Հունահռոմեական ոճի ըմբշամարտի Եվրոպայի Մ20 առաջնության վիճակահանություն. հայ ըմբիշների առաջին մրցակիցները

Սկոպյեում կայացել է հունահռոմեական ոճի ըմբշամարտի Եվրոպայի Մ20 առաջնության 2026 թվականի վիճակահանությունը։ Մրցաշարը կմեկնարկի հուլիսի 6-ին Հյուսիսային Մակեդոնիայի մայրաքաղաքում և կշարունակվի մինչև հուլիսի 12-ը։

Առաջինը գորգ դուրս կգան հունահռոմեական ոճի ներկայացուցիչները։ Առաջին մրցումային օրը կանցկացվեն որակավորման գոտեմարտերը 55, 63, 77, 87 և 130 կգ քաշային կարգերում։ Այս քաշային կարգերում Հայաստանը կներկայացնեն Էդգար Պետրոսյանը, Ալեքս Մարգարյանը, Սամվել Տերտերյանը, Յուրիկ Պետրոսյանը և Լևա Շուխյանը։

Առանձնահատուկ ուշադրություն կգրավի մինչև 130 կգ ծանր քաշային կարգը, որտեղ Լևա Շուխյանը պայքարը կսկսի անմիջապես քառորդ եզրափակչից։ Նրա առաջին մրցակիցը կլինի Ադրբեջանի ներկայացուցիչ Մուսեի Հուսեյնը։

Հայաստանի հունահռոմեական ոճի մյուս ըմբիշները ելույթները կսկսեն հուլիսի 7-ին։ Այդ օրը կանցկացվեն որակավորման գոտեմարտերը 60, 67, 72, 82 և 97 կգ քաշային կարգերում։

Հայաստանի հավաքականի կազմը՝
55 կգ՝ Էդգար Պետրոսյան
60 կգ՝ Մարատ Աճեմյան
63 կգ՝ Ալեքս Մարգարյան
67 կգ՝ Յուրիկ Մխիթարյան
72 կգ՝ Նարեկ Գրիգորյան
77 կգ՝ Սամվել Տերտերյան
82 կգ՝ Վահե Հովհաննիսյան
87 կգ՝ Յուրիկ Պետրոսյան
97 կգ՝ Էրիկ Տեր-Մաթևոսյան
130 կգ՝ Լևա Շուխյան

Հայ ըմբիշների առաջին մրցակիցները

55 կգ, 1/8 եզրափակիչ. Էդգար Պետրոսյան — Ալեշանդրե Դե Ալմեյդա (Պորտուգալիա)

60 կգ, 1/8 եզրափակիչ. Մարատ Աճեմյան — Ժիվկո Խինկով (Բուլղարիա)

63 կգ, 1/16 եզրափակիչ. Ալեքս Մարգարյան — Սալիմ Կազմախով (Ռուսաստան)

67 կգ, 1/16 եզրափակիչ. Յուրիկ Մխիթարյան — Իլիան Դուբաշ (Ֆրանսիա)

72 կգ, 1/16 եզրափակիչ. Նարեկ Գրիգորյան — Բալաժ Ույհեյի (Սերբիա)

77 կգ, 1/8 եզրափակիչ. Սամվել Տերտերյան — Լարս Մատտ (Ավստրիա)

82 կգ, 1/16 եզրափակիչ. Վահե Հովհաննիսյան — Եգոր Լեխկիյ (Ուկրաինա)

87 կգ, 1/8 եզրափակիչ. Յուրիկ Պետրոսյան — Էլեֆթերիոս Պապաս (Հունաստան) / Միխայիլ Շկարին (Ռուսաստան) զույգի հաղթողը

97 կգ, 1/16 եզրափակիչ. Էրիկ Տեր-Մաթևոսյան — Յասին Բեն Լաբեդ (Լեհաստան)

130 կգ, քառորդ եզրափակիչ. Լևա Շուխյան — Մուսեի Հուսեյն (Ադրբեջան)

Եվրոպայի Մ20 առաջնությունը կանցկացվի հուլիսի 6-ից 12-ը։ Մրցումները կմեկնարկեն հունահռոմեական ոճի ըմբշամարտով, ապա գորգ դուրս կգան աղջիկները, իսկ մրցաշարը կեզրափակեն ազատ ոճի ըմբիշները։

Հունահռոմեական ոճի առաջին հինգ քաշային կարգերի՝ 55, 63, 77, 87 և 130 կգ եզրափակիչները կկայանան հուլիսի 7-ին։ 60, 67, 72, 82 և 97 կգ քաշային կարգերի եզրափակիչ գոտեմարտերը կանցկացվեն հուլիսի 8-ին։

Հունահռոմեական ոճի ըմբշամարտի Եվրոպայի Մ20 առաջնության մրցաշարային ցանցերը