Հայաստանի Մ16 կանանց հավաքականը Եվրոպայի առաջնությունը սկսեց Մոլդովայի նկատմամբ հաղթանակով և Ալբանիայից կրած պարտությամբ
- Հեղինակ: Vahe Hakobyan
- Sportaran
Հայաստանի մինչև 16 տարեկանների կանանց հավաքականը սկսել է ելույթները բասկետբոլի Եվրոպայի Մ16 առաջնության C դիվիզիոնում։
Մրցաշարի մեկնարկային խաղում հայկական թիմը վստահ հաղթանակ տարավ Մոլդովայի հավաքականի նկատմամբ՝ 100:29 հաշվով։ Հանդիպման լավագույն խաղացող ճանաչվեց Սելինե Նաջարյանը, որը վաստակեց 18 միավոր, կատարեց 4 ռեբաունդ, 2 արդյունավետ փոխանցում և 6 խլում։
Խմբային փուլի երկրորդ խաղում Հայաստանի հավաքականը 75:89 հաշվով պարտվեց Ալբանիայի ընտրանուն։ Հայկական թիմի կազմում ամենաարդյունավետ խաղացողը Ալիսա Մուրադյանն էր, որի ակտիվում կար 8 միավոր, 6 ռեբաունդ և 3 արդյունավետ փոխանցում։
Ալբանիայի դեմ խաղում Հայաստանի հավաքականի կազմում ամենաշատ միավորները վաստակեց Նաոմի Քարծայրը՝ 19 միավոր։
Եվրոպայի Մ16 առաջնության C դիվիզիոնում Հայաստանի կանանց հավաքականը հաջորդ հանդիպումը կանցկացնի հուլիսի 9-ին՝ Ջիբրալթարի հավաքականի դեմ։