Երևանի «Արարատը» լքել է ութ ֆուտբոլիստ
Ֆուտբոլ
- Հեղինակ: Vahe Hakobyan
- Sportaran
Երևանի «Արարատը» հայտարարել է միանգամից ութ ֆուտբոլիստների հեռանալու մասին՝ պայմանագրերի ժամկետների ավարտից հետո։
Թիմը լքել են Կալիֆալա Դումբիան, Քլինթոն Դոմբիլան, Գոռ Լուլուկյանը, Աֆելելե Մոդոլուանան, Աբդուլ Ջիրեն, Յայա Սոգոդոգոն, Հադսոմ Ալեքսանդրը և Այոմիդե Էնիալաֆիան։
Ավելի վաղ «Արարատի» գլխավոր մարզչի պաշտոնը լքել էր նաև պորտուգալացի մասնագետ Ռիկարդո Դիոնիսիոն։
Նախորդ մրցաշրջանում երևանյան թիմը Հայաստանի առաջնությունում զբաղեցրել էր 9-րդ տեղը։ Չնայած հեռացած ֆուտբոլիստների մեծ թվին՝ «Արարատի» կազմը դեռ բավականին մեծ է. այս պահին թիմում դեռ հաշվառված է 20 ֆուտբոլիստ։
Միևնույն ժամանակ սպասվում է, որ ամառային տրանսֆերային պատուհանի ընթացքում ակումբը կհամալրի կազմը նոր ֆուտբոլիստներով։