Վազգեն Թևանյանն ու Արման Անդրեասյանը մեդալներ են նվաճել Poland Open 2026-ում
- Հեղինակ: Vahe Hakobyan
- Sportaran
Ազատ ոճի ըմբիշներ Արման Անդրեասյանն ու Վազգեն Թևանյանը մեդալներ են նվաճել Poland Open 2026 միջազգային մրցաշարում։
Երկու հայ ըմբիշներն էլ հանդես են եկել մինչև 70 կգ քաշային կարգում։ Անդրեասյանը դարձել է արծաթե մեդալակիր, իսկ Թևանյանը նվաճել է բրոնզե մեդալ։ Այս քաշային կարգում հաղթող է դարձել ամերիկացի Զեյն Ռեթերֆորդը։
Մրցաշարի ընթացքում Անդրեասյանն ու Թևանյանը գոտեմարտել են միմյանց դեմ։ Համառ պայքարում Անդրեասյանը հաղթել է 3:2 հաշվով։
Այնուհետև Անդրեասյանը հաղթանակներ է տարել Կանադայի և Ուկրաինայի ներկայացուցիչների նկատմամբ և դուրս եկել եզրափակիչ, որտեղ 1:4 հաշվով զիջել է Ռեթերֆորդին։
Թևանյանն Անդրեասյանին պարտվելուց հետո այլևս չի զիջել։ Հայ ըմբիշը հաղթել է Ուկրաինան ներկայացնող Նարեկ Պողոսյանին, ինչպես նաև ԱՄՆ-ի, Վրաստանի և Ուկրաինայի ևս մեկ ներկայացուցչի՝ մրցաշարն ավարտելով բրոնզե մեդալով։
Մինչև 61 կգ քաշային կարգում Հայաստանը ներկայացրել է նաև Մանվել Խնձրցյանը։ Նա զբաղեցրել է 12-րդ տեղը՝ երկու գոտեմարտերում պարտվելով ԱՄՆ-ի և Ուկրաինայի ներկայացուցիչներին։