Վալերիո Աբոյանը հաղթել է ATP Challenger-ի Պլովդիվի մրցաշարի զուգախաղում

Արգենտինան ներկայացնող հայազգի թենիսիստ Վալերիո Աբոյանը դարձել է Պլովդիվում անցկացված ATP Challenger մրցաշարի զուգախաղի հաղթողը։

Եզրափակչում Աբոյանն ու իր հայրենակից Խուան Լա Սերնան կամային հաղթանակ են տարել բուլղարացի Ադրիանո Գենովի և ուկրաինացի Ալեքսանդր Օվչարենկոյի նկատմամբ։ Հանդիպումն ավարտվել է 4:6, 7:5, 10:8 հաշվով՝ հօգուտ արգենտինական զույգի։

24-ամյա թենիսիստը հաջող է հանդես եկել նաև մենախաղում։ Աբոյանը տարել է երեք անընդմեջ հաղթանակ և հասել կիսաեզրափակիչ, որտեղ պարտվել է բուլղարացի Յանակի Միլևին՝ 4:6, 7:5, 2:6 հաշվով։

Պլովդիվում ունեցած հաջող ելույթի շնորհիվ ATP-ի վարկանիշային աղյուսակի 431-րդ համար Աբոյանը համալրել է իր զուգախաղի տիտղոսների հավաքածուն և ևս մեկ անգամ հաստատել իր լավ մարզավիճակը։