Երևանում կանցկացվի Անդրանիկ Հարոյանի անվան ազատ ոճի ըմբշամարտի միջազգային մրցաշարը

Օգոստոսի 25–26-ը Երևանում կանցկացվի Անդրանիկ Հարոյանի անվան ազատ ոճի ըմբշամարտի միջազգային մրցաշարը։

Մրցումները տեղի կունենան «Դինամո» մարզահամալիրում և կմասնակցեն շուրջ 130 ըմբիշներ Հայաստանից, Իրանից, Վրաստանից, Մոլդովայից, Ղազախստանից և Ուկրաինայից։

Մրցումային առաջին օրը կմեկնարկի օգոստոսի 25-ին՝ ժամը 11:00-ին։ Մրցաշարի երկրորդ օրը կսկսվի օգոստոսի 26-ին՝ ժամը 11:00-ին, իսկ ժամը 14:00-ից տեղի կունենան բացման հանդիսավոր արարողությունն ու եզրափակիչ գոտեմարտերը։

Հայ ըմբիշների համար մրցաշարը կդառնա Մ23 աշխարհի առաջնության ընտրական կարևորագույն փուլերից մեկը։ Առաջնությունը կանցկացվի Լաս Վեգասում հոկտեմբերի 12-ից 18-ը։

Բացի այդ, առանձին քաշային կարգերում գորգ դուրս կգան նաև ազատ ոճի ըմբշամարտի Հայաստանի մեծահասակների հավաքականի ներկայացուցիչները։

Անդրանիկ Արոյանի անվան միջազգային մրցաշարը մարզիկներին հնարավորություն կտա ստուգելու իրենց ուժերը մրցակցային պայքարում և կդառնա առաջիկա միջազգային մրցաշարերին նախապատրաստվելու կարևոր փուլ։

ՎԻՃԱԿԱՀԱՆՈՒԹՅՈՒՆԸ ԵՎ ԲՈԼՈՐ ՔԱՇԱՅԻՆ ԿԱՐԳԵՐԻ ՄՐՑԱՇԱՐԱՅԻՆ ՑԱՆՑԵՐԸ