Ուգոչուկվու Իվուն ապաքինվել է վնասվածքից և վերադարձել խաղադաշտ՝ Հայաստանի հավաքականի հանդիպումներից առաջ

Հայաստանի ազգային հավաքականի կիսապաշտպան Ուգոչուկվու Իվուն լիովին ապաքինվել է վնասվածքից և վերադարձել է Կազանի «Ռուբինի» կազմում։

Ռուսաստանի Պրեմիեր լիգայի 7-րդ տուրի՝ «Ախմատի» դեմ խաղում հայազգի կիսապաշտպանը փոխարինման դուրս եկավ 57-րդ րոպեին։ Հանդիպումն ավարտվեց 1:1 հաշվով։

Չնայած սահմանափակ խաղաժամանակին՝ Իվուն արդյունավետ խաղ ցուցադրեց կիսապաշտպանությունում։ SofaScore-ի տվյալներով՝ նրա վիճակագրությունը հետևյալն է.

• Ճշգրիտ փոխանցումներ՝ 21/22 (95%)
• Վաստակած խախտումներ՝ 1
• Գնդակի խլումներ՝ 1
• Գնդակի վերադարձներ՝ 1
• Հաղթած մենապայքարներ՝ 2-ը 3-ից
• SofaScore գնահատական՝ 6,8

Իվուի վերադարձը լավ նորություն է Հայաստանի հավաքականի համար, որը սեպտեմբերի վերջին կմեկնարկի Ազգերի լիգայում։ Մինչ հավաքականին միանալը նա ևս երկու հանդիպում կանցկացնի «Ռուբինի» կազմում՝ շարունակելով վերականգնել իր լավագույն մարզավիճակը։

Հայաստանի հավաքականն Ազգերի լիգայի առաջին հանդիպումը կանցկացնի սեպտեմբերի 25-ին՝ մրցելով Լատվիայի ընտրանու դեմ։