ՈՒԵՖԱ-ն «Յունիսպորտին» և «Արազ-Նախիջևանին» բաժանեց Չեմպիոնների լիգայի տարբեր խմբերի

ՈՒԵՖԱ-ն փոփոխել է ֆուտզալի Չեմպիոնների լիգայի հիմնական փուլի խմբերի կազմը՝ Հայաստանի չեմպիոն «Յունիսպորտի» և ադրբեջանական «Արազ-Նախիջևանի» հանդիպումից խուսափելու համար։

Նախնական փուլի արդյունքներով «Յունիսպորտը» պետք է ընդգրկվեր B ուղու 5-րդ խմբում, որտեղ արդեն գտնվում էր «Արազ-Նախիջևանը»։ Սակայն ՈՒԵՖԱ-ի Գործադիր կոմիտեի որոշման համաձայն՝ Հայաստանի և Ադրբեջանի թիմերը չեն կարող հանդիպել միմյանց։

Արդյունքում «Յունիսպորտը» և հունգարական «Ույպեշտը», որոնք նախնական փուլի հաղթողների բաշխման ժամանակ նույն դիրքերն էին զբաղեցնում, փոխանակվել են խմբերով։

Այժմ Հայաստանի չեմպիոնը հանդես կգա 6-րդ խմբում․

«Կաունո Ժալգիրիս» (Լիտվա)
«Դիֆերդանժ 03» (Լյուքսեմբուրգ)
«Դուկաս» (Հունաստան)
«Յունիսպորտ» (Հայաստան)

Մինի-մրցաշարը կանցկացվի Լյուքսեմբուրգում հոկտեմբերի 27-ից նոյեմբերի 1-ը։ Հանդիպումների հստակ օրերը ՈՒԵՖԱ-ն կհայտարարի ավելի ուշ։

Փոփոխությունից հետո 5-րդ խումբն ունի հետևյալ տեսքը․

«Պյաստ Գլիվիցե» (Լեհաստան)
«Արազ-Նախիջևան» (Ադրբեջան)
«Բուբա Մարա» (Բոսնիա և Հերցեգովինա)
«Ույպեշտ» (Հունգարիա)

Այսպիսով, «Յունիսպորտը» և «Ույպեշտը» փոխանակվել են խմբերով՝ համաձայն կանոնակարգի և այն սկզբունքների, որոնք ՈՒԵՖԱ-ն սահմանել էր դեռևս վիճակահանության ժամանակ, երբ նախնական փուլի հաղթողները հայտնի չէին։

Ինչ պետք է իմանալ B ուղու մասին

Հիմնական փուլի B ուղում հանդես կգան 16 թիմեր, որոնք բաժանված են չորս խմբերի։ Մինի-մրցաշարերն անցկացվում են յուրաքանչյուր խմբի մասնակիցներից մեկի խաղահրապարակում։

Ի տարբերություն A ուղու, որտեղ յուրաքանչյուր խմբից փլեյ-օֆֆ է դուրս գալիս երեք լավագույն թիմ, B ուղում պայքարը շարունակելու իրավունք է ստանում միայն քառյակի հաղթողը։

Այսպիսով, 1/16 եզրափակիչ դուրս գալու համար «Յունիսպորտը» պետք է առաջին տեղը զբաղեցնի «Կաունո Ժալգիրիսի», «Դիֆերդանժի» և «Դուկասի» հետ խմբում։

Հիմնական փուլի արդյունքներով ընդհանուր առմամբ կորոշվեն Չեմպիոնների լիգայի փլեյ-օֆֆի 16 մասնակիցները։

B ուղու խմբերը

Խումբ 5
«Պյաստ Գլիվիցե» (Լեհաստան, հյուրընկալող)
«Արազ-Նախիջևան» (Ադրբեջան)
«Բուբա Մարա» (Բոսնիա և Հերցեգովինա)
«Ույպեշտ» (Հունգարիա)

Խումբ 6
«Կաունո Ժալգիրիս» (Լիտվա)
«Դիֆերդանժ 03» (Լյուքսեմբուրգ, հյուրընկալող)
«Դուկաս» (Հունաստան)
«Յունիսպորտ» (Հայաստան)

Խումբ 7
«Լուքսոլ Սենթ Էնդրյուս» (Մալթա)
L84 «Տորինո» (Իտալիա, հյուրընկալող)
Futsal Mad Max (Ֆինլանդիա)
«Յորինգ» (Դանիա)

Խումբ 8
«Լոզնիցա-Գրադ 2018» (Սերբիա, հյուրընկալող)
«Աթլետիկ Ֆուտզալ» (Ուկրաինա)
«Աթլետիկ Կլուբ Գրաց» (Ավստրիա)
«Խրուդիմ» (Չեխիա)

Չեմպիոնների լիգայի խաղացանկը

Հիմնական փուլը կանցկացվի հոկտեմբերի 27-ից նոյեմբերի 1-ը։

1/16 եզրափակչի և քառորդ եզրափակչի վիճակահանությունը կկայանա նոյեմբերի 4-ին։

1/16 եզրափակչի հանդիպումները կանցկացվեն նոյեմբերի 23-ին և դեկտեմբերի 4-ին, իսկ քառորդ եզրափակիչները՝ փետրվարի 8-ին և 19-ին։

Մրցաշարի լավագույն չորս թիմերի մասնակցությամբ եզրափակիչ փուլը կանցկացվի 2027 թվականի մայիսին։