ԱԱ-2026-ի մասնակիցը հեռացավ «Նոայից». Թիմոթի Ֆայուլուն վերադարձավ «Սիոն»
- Հեղինակ: Vahe Hakobyan
- Sportaran
Կոնգոյի Դեմոկրատական Հանրապետության հավաքականի դարպասապահ Թիմոթի Ֆայուլուն հեռացել է «Նոայից»։ Հայկական ակումբը պաշտոնապես հայտարարել է վարձակալությամբ հանդես եկած դարպասապահի հեռանալու մասին։
Ֆայուլուն վերադարձել է շվեյցարական «Սիոն», որին պատկանում են ֆուտբոլիստի տրանսֆերային իրավունքները։ Միևնույն ժամանակ, դեռ հայտնի չէ, թե որտեղ դարպասապահը կշարունակի կարիերան նոր մրցաշրջանում։
«Նոայի» կազմում Ֆայուլուն անցկացրել է 10 հանդիպում։ Դրանց կեսը՝ 5 խաղ, եղել է եվրագավաթներում՝ Կոնֆերենցիաների լիգայում։
Հայաստանում հանդես գալու ընթացքում Ֆայուլուն մտավ հայկական ֆուտբոլի պատմության մեջ։ Նա դարձավ Հայաստանի առաջնության առաջին ֆուտբոլիստը, որը մեկնեց աշխարհի առաջնություն։ Կոնգոյի Դեմոկրատական Հանրապետության հավաքականի դարպասապահը ԱԱ-2026-ի հայտացուցակում էր որպես երկրորդ դարպասապահ, սակայն մրցաշարում խաղադաշտ դուրս չեկավ։
Այսպիսով, «Նոան» բաժանվեց նախորդ մրցաշրջանի ամենաստատուսային լեգեոներներից մեկից։ Հայկական ակումբի համար Ֆայուլուն դարձավ ոչ միայն եվրագավաթային արշավի մասնակից, այլև ֆուտբոլիստ, որի անունը կապվեց Հայաստանի առաջնության պատմական նվաճման հետ։