Տուլիպան՝ Եվրոպայի լիգայի վիճակահանության մասին. «Մենք սխալվելու իրավունք չենք ունենա»

«Արարատ-Արմենիայի» գլխավոր մարզիչ Մանուել Տուլիպան մեկնաբանել է Եվրոպայի լիգայի հիմնական փուլի վիճակահանության արդյունքները և խոսել թիմի՝ ընթացիկ մրցաշրջանի առաջնահերթությունների մասին։

«Այս պահին իմ ամբողջ ուշադրությունը կենտրոնացած է Հայաստանի առաջնության վրա։ Այնուամենայնիվ, մեզ սպասում են հանդիպումներ ծանոթ թիմերի հետ. «Սպարտայի» դեմ խաղացել ենք անցյալ տարի, իսկ այս տարի հանդիպել ենք «Ցելյեին»։ Կան նաև անվանի եվրոպական ակումբներ, որոնց նկատմամբ մենք մեծ հարգանք ունենք։

Յուրաքանչյուր հանդիպում առանձին պատմություն է լինելու, և յուրաքանչյուր մրցակցի դեմ պետք է շատ մանրակրկիտ պատրաստվել։ Եվրոպայի լիգայում մենք սխալվելու իրավունք չենք ունենա։ Նաև շատ եմ ցանկանում, որ այդ հանդիպումներին մոտենանք օպտիմալ ֆիզիկական վիճակում և առանց կադրային կորուստների։

Բայց հավելեմ, որ այս պահին մրցաշրջանում մեր գլխավոր նպատակը կրկին Հայաստանի չեմպիոն դառնալն է», — ասել է Տուլիպան «Փյունիկի» դեմ խաղից հետո կայացած մամուլի ասուլիսի ժամանակ։

Եվրոպայի լիգայի հիմնական փուլում «Արարատ-Արմենիան» կմրցի «Միլանի», ԱԶ-ի, «Զալցբուրգի», «Յագելոնիայի», ՆԵԿ-ի, «Ցելյեի», «Սպարտայի» և «Տորենսեի» հետ։

Հիշեցնենք, որ փլեյ-օֆֆ փուլում «Արարատ-Արմենիան» հաղթահարեց ռումինական «Ունիվերսիտատյա Կրայովայի» արգելքը և հայկական ֆուտբոլի պատմության մեջ առաջին անգամ դուրս եկավ Եվրոպայի լիգայի հիմնական փուլ։

Հայտնի է «Արարատ-Արմենիայի»՝ Եվրոպայի լիգայի ամբողջական խաղացանկը