Սպերցյանն անցել է բուժզննումը և պայմանագիր ստորագրել «Ալ-Ահլիի» հետ․ մնացել է պաշտոնական հայտարարությունը
- Հեղինակ: Vahe Hakobyan
- Sportaran
«Կրասնոդարի» և Հայաստանի հավաքականի կիսապաշտպան Էդուարդ Սպերցյանը մոտ է սաուդյան «Ալ-Ահլի» պաշտոնական տեղափոխությանը։
Սաուդցի լրագրող Սամի Ալ-Քադիի տեղեկություններով՝ հայ ֆուտբոլիստը հաջողությամբ ավարտել է բուժզննումը և արդեն պայմանագիր է ստորագրել Սաուդյան Արաբիան ներկայացնող ակումբի հետ։ Այժմ կողմերին մնում է սպասել միայն տրանսֆերի պաշտոնական հայտարարությանը։
Ավելի վաղ հաղորդվում էր, որ «Ալ-Ահլին» համաձայնեցրել է Սպերցյանի տեղափոխությունը «Կրասնոդարի» հետ։ Լրատվամիջոցների տվյալներով՝ գործարքի արժեքը կարող է կազմել մոտ 25 միլիոն դոլար, իսկ ֆուտբոլիստի պայմանագիրը նախատեսված կլինի մինչև 2029 թվականը՝ ևս մեկ մրցաշրջանով երկարաձգելու հնարավորությամբ։
Սպերցյանը «Կրասնոդարի» և Հայաստանի հավաքականի առաջատարներից մեկն է։ Վերջին մրցաշրջաններում նա ռուսական ակումբի առանցքային ֆուտբոլիստներից էր և պարբերաբար հայտնվում էր արտասահմանյան ակումբների ուշադրության կենտրոնում։
Եթե տեղափոխությունը պաշտոնապես հաստատվի, «Ալ-Ահլի» տրանսֆերը կդառնա հայկական ֆուտբոլի պատմության ամենահնչեղ գործարքներից մեկը։