Սպերցյանը գոլ ու գոլային փոխանցում է գրանցել՝ «Ալ-Ահլիին» դուրս բերելով Թագավորի գավաթի 1/8 եզրափակիչ
- Հեղինակ: Vahe Hakobyan
- Sportaran
Հայաստանի ազգային հավաքականի ավագ Էդուարդ Սպերցյանը շարունակում է արդյունավետ ելույթները «Ալ-Ահլիի» կազմում։ Թագավորի գավաթի 1/16 եզրափակիչում «Ալ-Անվարի» դեմ խաղում հայ կիսապաշտպանը գոլի և գոլային փոխանցման հեղինակ դարձավ՝ մասնակցելով իր թիմի երկու գոլերին։
«Ալ-Ահլին» հաղթեց 2:1 հաշվով։ Սպերցյանը հանդիպման 61-րդ րոպեին բացեց հաշիվը, իսկ 89-րդ րոպեին գոլային փոխանցում կատարեց Գալենոյին, որը խփեց հաղթական գոլը։
Դրանից մեկ րոպե առաջ Էդուարդը ևս մեկ անգամ կարող էր գրավել մրցակցի դարպասը, սակայն նրա հարվածը դիպուկ չստացվեց։ Հանդիպման ընթացքում հայ ֆուտբոլիստը նաև մի քանի անգամ հարվածեց դարպասաձողին կամ հորիզոնական ձողին։
Սպերցյանի համար սա երկրորդ անընդմեջ արդյունավետ հանդիպումն էր։ Ավելի վաղ նա Սաուդյան Արաբիայի առաջնության առաջին տուրում խփել էր «Ալ-Ահլիի» միակ և հաղթական գոլը։
Այսպիսով, «Ալ-Ահլիի» կազմում անցկացրած առաջին երկու պաշտոնական հանդիպումներից հետո Էդուարդ Սպերցյանի հաշվին կա 2 գոլ և 1 գոլային փոխանցում։