Չեռնոգորիայի հավաքականը հրապարակել է Ազգերի լիգայի առաջին հանդիպումների հայտացուցակը

Չեռնոգորիայի ազգային հավաքականը հրապարակել է կազմը ՈՒԵՖԱ-ի Ազգերի լիգայի 2026/27 մրցաշրջանի առաջիկա հանդիպումների համար։ Թիմի գլխավոր մարզիչ Միրկո Վուչինիչը հրավիրել է 26 ֆուտբոլիստի, որոնք բոլորը հանդես են գալիս արտասահմանյան ակումբներում։

Չեռնոգորիան Հայաստանի հավաքականի մրցակիցն է խմբային փուլում։ Թիմերի առաջին հանդիպումը կկայանա սեպտեմբերի 28-ին Երևանում, իսկ արդեն հոկտեմբերի 5-ին հավաքականները կրկին կմրցեն միմյանց դեմ՝ այս անգամ Պոդգորիցայում։

Չեռնոգորիայի հավաքականի հայտացուցակում ընդգրկվել են մի շարք հայտնի ֆուտբոլիստներ, այդ թվում՝ պաշտպան Ստեֆան Սավիչը, կիսապաշտպան Անդրիա Բուլատովիչը, ինչպես նաև հարձակվողներ Ստևան Յովետիչը, Միլուտին Օսմայիչը և Նիկոլա Կրստովիչը։

Չեռնոգորիայի հավաքականի կազմը

Դարպասապահներ.
Դանիել Պետկովիչ («Լիեպայա», Լատվիա), Բալշա Պոպովիչ («Օլիմպիակոս», Հունաստան), Իգոր Նիկիչ («Արջեշ», Ռումինիա)։

Պաշտպաններ.
Ստեֆան Սավիչ («Տրաբզոնսպոր», Թուրքիա), Մարկո Վեշովիչ («Լոկոմոտիվա», Խորվաթիա), Իգոր Վույաչիչ («Ռուբին», Ռուսաստան), Ռիստո Ռադունովիչ (ՖԿՍԲ, Ռումինիա), Սլոբոդան Ռուբեժիչ («Կորոնա», Լեհաստան), Միլան Ռոգանովիչ («Գենկ», Բելգիա), Օգնեն Գաշևիչ (ԲԿՄԱ 1948, Բուլղարիա), Ստեֆան Միլիչ («Պարտիզան», Սերբիա), Բոդին Տոմաշևիչ («Մանտովա», Իտալիա), Անդրեյ Ջուրիչ («Մալմյո», Շվեդիա)։

Կիսապաշտպաններ.
Մարկո Յանկովիչ («Ղարաբաղ», Ադրբեջան), Սեադ Հակշաբանովիչ («Մալմյո», Շվեդիա), Ստեֆան Լոնչար («Ակրոն», Ռուսաստան), Միլոշ Բռնովիչ («Արսենալ» Տուլա, Ռուսաստան), Միլան Վուկոտիչ («Պարտիզան», Սերբիա), Վիկտոր Ջուկանովիչ («Դյոր», Հունգարիա), Անդրիա Բուլատովիչ («Լանս», Ֆրանսիա), Վասիլիե Աջիչ («Սասուոլո», Իտալիա), Դուշան Վուկովիչ («Լոկոմոտիվա», Խորվաթիա)։

Հարձակվողներ.
Ստևան Յովետիչ (ԱԵԼ Լիմասոլ, Կիպրոս), Միլուտին Օսմայիչ («Ջենոա», Իտալիա), Նիկոլա Կրստովիչ («Ատալանտա», Իտալիա), Ալեքսա Լատկովիչ («Վարաժդին», Խորվաթիա)։

Մեկնաբանելով առաջիկա խաղափուլը՝ Միրկո Վուչինիչը նշել է, որ իր թիմին սպասվում են չորս բարդ հանդիպումներ, որոնցից յուրաքանչյուրում անհրաժեշտ կլինի առավելագույն կենտրոնացվածություն։

Մարզչի խոսքով՝ խումբը բավական հավասար է, իսկ յուրաքանչյուր մրցակից ունակ է ոչ միայն կազմակերպված գործել պաշտպանությունում, այլև օգտվել հակառակորդի սխալներից։ Չեռնոգորիան մտադիր է առաջ շարժվել խաղից խաղ և մրցափուլը սկսել Կիպրոսի նկատմամբ հաղթանակով։

Ազգերի լիգայի հանդիպումների նախապատրաստությունը Չեռնոգորիայի հավաքականը կսկսի սեպտեմբերի 20-ին։

Առաջին հանդիպումը թիմը կանցկացնի սեպտեմբերի 25-ին՝ սեփական հարկի տակ Կիպրոսի դեմ, իսկ երեք օր անց՝ սեպտեմբերի 28-ին, Երևանում կմրցի Հայաստանի հավաքականի հետ։ Այնուհետև հոկտեմբերի 2-ին չեռնոգորացիները Ռիգայում կհանդիպեն Լատվիայի հետ, իսկ միջազգային այս խաղափուլը կավարտեն հոկտեմբերի 5-ին՝ սեփական հարկի տակ Հայաստանի դեմ խաղով։

Հայաստանի հավաքականի կազմը դեռևս չի հրապարակվել։