Հայաստանի հավաքականը ISFA աշխարհի առաջնության 1/8 եզրափակչում կխաղա Սերբիայի հետ
- Հեղինակ: Vahe Hakobyan
- Sportaran
Հայաստանի հավաքականը դուրս է եկել Ուտրեխտում անցկացվող ISFA World Cup 2026 աշխարհի առաջնության փլեյ-օֆֆ։ 1/8 եզրափակչում Հայաստանի թիմը կմրցի Սերբիայի հավաքականի հետ։
Հայաստանը D խմբի խմբային փուլն ավարտել է չորրորդ տեղում՝ վեց խաղում վաստակելով 9 միավոր։ Թիմը տարել է երեք հաղթանակ և կրել երեք պարտություն։
Մեկնարկային խաղում Հայաստանի հավաքականը 0:3 հաշվով պարտվել է Ֆրանսիային, որից հետո երկու անընդմեջ հաղթանակ է տարել՝ Բելգիայի (3:0) և Հարավային Կորեայի (1:0) նկատմամբ։ Այնուհետև Հայաստանի թիմը 2:4 հաշվով պարտվել է Կոլումբիային, 1:0 հաշվով հաղթել Լեհաստանին և խմբային փուլն ավարտել Լատվիայից կրած 0:2 հաշվով պարտությամբ։
Հայաստանի հավաքականի արդյունքները D խմբում.
- Ֆրանսիա — Հայաստան — 3:0
- Բելգիա — Հայաստան — 0:3
- Հայաստան — Հարավային Կորեա — 1:0
- Հայաստան — Կոլումբիա — 2:4
- Լեհաստան — Հայաստան — 0:1
- Լատվիա — Հայաստան — 2:0
1/8 եզրափակչում Հայաստանի մրցակիցը կլինի Սերբիայի հավաքականը։ Սերբիան հաղթել է A խմբում՝ խմբային փուլն ավարտելով առանց պարտության՝ գրանցելով չորս հաղթանակ և երկու ոչ-ոքի։
Մրցաշարը կավարտվի սեպտեմբերի 4-ին։ Փլեյ-օֆֆ փուլի բոլոր հանդիպումները, այդ թվում՝ եզրափակիչը, կանցկացվեն նույն օրը։
Հայաստանի հավաքականի մարզիչը Հայաստանի ազգային հավաքականի նախկին ֆուտբոլիստ Դավիթ Մանոյանն է։ Թիմում հանդես են գալիս նաև Կարեն Կազարյանը, Վիլսոն Մարգարյանը, Միկայել Աստացատուրյանը և Ալեքսանդր Եգանցյանը։