Սամվել Տերտերյանը հաղթեց ադրբեջանցուն և դարձավ Եվրոպայի Մ20 չեմպիոն

Հայաստանի հունահռոմեական ոճի ըմբիշ Սամվել Տերտերյանը նվաճեց Սկոպյեում անցկացվող ըմբշամարտի Եվրոպայի Մ20 առաջնության ոսկե մեդալը։

Տերտերյանը հանդես եկավ մինչև 77 կգ քաշային կարգում և մրցաշարն անցկացրեց առավելագույն վստահությամբ։ Տիտղոսի ճանապարհին Հայաստանի ներկայացուցիչը մրցակիցներին միավոր չզիջեց։

Եզրափակչում Սամվել Տերտերյանը գոտեմարտեց ադրբեջանցի Ջավիդան Նահմատովի հետ և հաղթեց 4:0 հաշվով՝ դառնալով Եվրոպայի Մ20 չեմպիոն։

Հիշեցնենք, որ այս տարվա ընթացքում Տերտերյանն արդեն բարձրացել էր միջազգային մրցաշարի պատվո հարթակ․ նա դարձել էր Եվրոպայի Մ23 առաջնության արծաթե մեդալակիր։

Սամվել Տերտերյանի արդյունքները Եվրոպայի Մ20 առաջնությունում
77 կգ

1/8 եզրափակիչ. Սամվել Տերտերյան — Լարս Մատտ — Ավստրիա — 9:0

1/4 եզրափակիչ. Սամվել Տերտերյան — Նիչիտա Ապոստոլ — Մոլդովա — 9:0

1/2 եզրափակիչ. Սամվել Տերտերյան — Ռուբեն Ստրոակեվեդ — Շվեդիա — 8:0

Եզրափակիչ. Սամվել Տերտերյան — Ջավիդան Նահմատով — Ադրբեջան — 4:0

Այս պահին Սկոպյեում ընթացող Եվրոպայի Մ20 առաջնությունում Հայաստանի հավաքականի ակտիվում կա մեկ ոսկե և երկու արծաթե մեդալ։