Ռուսաստանի օրհներգը Պլոտնիկովի հաղթանակից հետո առաջին անգամ հինգ տարվա ընթացքում հնչեց IWF-ի մրցաշարում

Հուլիսի 8-ին Կոլումբիայի Կալի քաղաքում կայացավ ծանրամարտի պատանիների Մ17 աշխարհի առաջնության երրորդ մրցումային օրը։

Այդ օրը մեդալներ խաղարկվեցին երկու քաշային կարգերում՝ մինչև 65 կգ պատանիների և մինչև 58 կգ աղջիկների պայքարում։ Երկամարտում հաղթողներ դարձան Ռուսաստանի ներկայացուցիչ Սերգեյ Պլոտնիկովը և Մոլդովան ներկայացնող Նիկոլետա Կոժոկարուն։

Հատկապես լարված ստացվեց մինչև 65 կգ քաշային կարգի պատանիների պայքարը։ Սերգեյ Պլոտնիկովը պոկում վարժությունում մեկ կիլոգրամով զիջեց Վենեսուելայի ներկայացուցիչ Դավիդ Լինարեսին, սակայն կարողացավ հետ բերել կորցրածը հրում վարժությունում և հաղթել երկամարտում՝ 275 կգ արդյունքով։ Լինարեսը դարձավ երկրորդը՝ հաղթողին զիջելով ընդամենը մեկ կիլոգրամ։

Պլոտնիկովի հաղթանակից հետո Ռուսաստանի պետական օրհներգը առաջին անգամ վերջին հինգ տարվա ընթացքում հնչեց Ծանրամարտի միջազգային ֆեդերացիայի մրցումներում։

Ծանրամարտի Մ17 աշխարհի առաջնության երրորդ օրվա արդյունքները

Պատանիներ

Մինչև 65 կգ

Պոկում

Դավիդ Լինարես (Վենեսուելա) — 123 կգ
Սերգեյ Պլոտնիկով (Ռուսաստան) — 122 կգ
Գեորգի Կինկլաձե (Վրաստան) — 120 կգ

Հրում

Սերգեյ Պլոտնիկով (Ռուսաստան) — 153 կգ
Դավիդ Լինարես (Վենեսուելա) — 151 կգ
Գեորգի Կինկլաձե (Վրաստան) — 144 կգ

Երկամարտ

Սերգեյ Պլոտնիկով (Ռուսաստան) — 275 կգ
Դավիդ Լինարես (Վենեսուելա) — 274 կգ
Գեորգի Կինկլաձե (Վրաստան) — 264 կգ

Աղջիկներ

Մինչև 58 կգ

Պոկում

Նիկոլետա Կոժոկարու (Մոլդովա) — 88 կգ
Յասմին Մոհամեդ (Եգիպտոս) — 86 կգ
Իլայդա Էրթուղրուլ (Թուրքիա) — 85 կգ

Հրում

Նիկոլետա Կոժոկարու (Մոլդովա) — 114 կգ
Իլայդա Էրթուղրուլ (Թուրքիա) — 105 կգ
Էմիլլի Անտունեշ (Բրազիլիա) — 105 կգ

Երկամարտ

Նիկոլետա Կոժոկարու (Մոլդովա) — 202 կգ
Իլայդա Էրթուղրուլ (Թուրքիա) — 190 կգ
Յասմին Մոհամեդ (Եգիպտոս) — 189 կգ