Պաշտոնական․ Վարազդատ Հարոյանը տեղափոխվել է «Արարատ»
- Հեղինակ: Vahe Hakobyan
- Sportaran
Հայաստանի հավաքականի նախկին ավագ Վարազդատ Հարոյանը կարիերան կշարունակի Երևանի «Արարատում»։ Ակումբը պաշտոնապես հայտարարել է 33-ամյա պաշտպանի հետ պայմանագիր կնքելու մասին։
Վերջին կես տարին Հարոյանը թիմ չուներ։ 2025 թվականի նոյեմբերին նա հեռացել էր հունգարական «Կազինցբարցիկայից», որից հետո մնացել էր ազատ գործակալի կարգավիճակում։
Հարոյանը վերջին տարիների ամենափորձառու հայ ֆուտբոլիստներից է։ Հայաստանի ազգային հավաքականի կազմում պաշտպանն անցկացրել է 92 հանդիպում և դարձել 4 գոլի հեղինակ։ Տարբեր տարիներին նա եղել է հավաքականի ավագը և պաշտպանական գծի առաջատարներից մեկը։
«Արարատի» համար սա արդեն չորրորդ համալրումն է ամառային տրանսֆերային պատուհանի ընթացքում։ Ավելի վաղ ակումբը պայմանագրեր էր կնքել Արման Խաչատրյանի, Նարեկ Ալավերդյանի և Բենիկ Հովհաննիսյանի հետ։
Հարոյանի տեղափոխությունը պետք է «Արարատին» փորձ և հուսալիություն ավելացնի պաշտպանական գծում նոր մրցաշրջանից առաջ։