«Նոային» բաժին է հասել ուժեղ մրցակից․ Չեմպիոնների լիգայի 2025/26 երկրորդ փուլի վիճակահանություն

Հայաստանի չեմպիոն «Նոան» ճանաչել է Չեմպիոնների լիգայի որակավորման հաջորդ փուլի հնարավոր մրցակցին։ Եթե առաջին փուլում հաղթի Չեռնոգորիայի «Բուդուչնոստին», ապա երկրորդ փուլում «Նոան» կմրցի Հունգարիայի «Ֆերենցվարոշի» հետ, որի կազմում հանդես է գալիս Հայաստանի ազգային հավաքականի հարձակվող Էդգար Սևիկյանը։

Նախորդ մրցաշրջանում «Ֆերենցվարոշը» հասել էր Եվրոպայի լիգայի փլեյ-օֆֆ փուլի, որտեղ խմբային փուլում և փլեյ-օֆֆում հաղթել էր մի շարք ուժեղ մրցակիցների՝ «Նիցցա», «Դինամո Կիև», «Մալմյո» և Նիդերլանդների «ԱԶ Ալկմար»։

Նույնպես վիճակահանության շրջանակում որոշվել է նաև «Նոայի» հնարավոր մրցակիցը Կոնֆերենց լիգայում՝ Բուդուչնոստին պարտվելու պարագայում։ Այդ մրցակցի անունը կհայտարարվի Կոնֆերենց լիգայի վիճակահանությունից հետո։

Չեմպիոնների լիգայի 2025/26 երկրորդ փուլի վիճակահանության արդյունքները՝ հնարավոր մրցակիցներ հայկական ֆուտբոլիստների մասնակցությամբ ակումբների համար.

• «Նոա» (Հայաստան) / «Բուդուչնոստ» (Չեռնոգորիա) — «Ֆերենցվարոշ» (Հունգարիա, Էդգար Սևիկյան)

• «Էգնատիա» (Ալբանիա, Միսակ Հակոբյան) / «Բրեյդաբլիկ» (Իսլանդիա) — «Լեխ Պոզնան» (Լեհաստան)

• «Սլովան Բրատիսլավա» (Սլովակիա, Տիգրան Բարսեղյան) — «Վիրտուս» (Սան Մարինո) / «Զրինսկի» (Բոսնիա և Հերցեգովինա)

• «Ցրվենա Զվեզդա» (Սերբիա, Նաիր Տիկնիզյան) — «Վիկինգուր» (Ֆարերյան կղզիներ) / «Լինքոլն» (Ջիբրալթար)

Երկրորդ փուլի հանդիպումները կկայանան 2025 թվականի հուլիսի 22/23-ին և 29/30-ին։

Չեմպիոնների լիգայի 2025/26 որակավորման երկրորդ փուլի վիճակահանության ամբողջական արդյունքները