Նարե Շաքարյանն ապահովեց Հայաստանի առաջին մեդալը Թուրքիայում անցկացվող բռնցքամարտի Եվրոպայի Մ15 առաջնությունում
- Հեղինակ: Vahe Hakobyan
- Sportaran
Հայաստանի հավաքականն ապահովել է իր առաջին մեդալը մինչև 15 տարեկանների (Մ15) բռնցքամարտի Եվրոպայի 2026 թվականի առաջնությունում, որն անցկացվում է Թուրքիայի Տրապիզոն քաղաքում։ Հայաստանի հավաքականի առաջին ներկայացուցիչը, որին հաջողվել է դուրս գալ կիսաեզրափակիչ, Նարե Շաքարյանն է։
Հոկտեմբերի 20-ին մինչև 40 կգ քաշային կարգում հանդես եկող հայ մարզուհին քառորդ եզրափակիչում մենամարտել է Հունաստանի ներկայացուցիչ Այկատերինի Կամերիդուի հետ։
Շաքարյանը խոշոր առավելությամբ վստահ հաղթանակ է տարել և դուրս եկել կիսաեզրափակիչ՝ ապահովելով Եվրոպայի առաջնության առնվազն բրոնզե մեդալը։
Այժմ հայ բռնցքամարտիկը կպայքարի եզրափակիչ դուրս գալու և Եվրոպայի առաջնության ոսկե մեդալը նվաճելու համար։
Նշենք, որ բռնցքամարտի Եվրոպայի Մ15 առաջնությունն անցկացվում է Տրապիզոնում և կավարտվի հոկտեմբերի 26-ին։