Մխիթարյանը դուրս թողեց Մեացին «Ինտերի» վետերան-ռմբարկուների լավագույն հնգյակից

«Ինտերի» կիսապաշտպան Հենրիխ Մխիթարյանը դարձավ Միլանի ակումբի պատմության մեջ հինգերորդ ամենատարեց ֆուտբոլիստը, ով կարողացել է գոլ խփել պաշտոնական խաղում։ Դա տեղի ունեցավ 2025/26 մրցաշրջանի Ա Սերիայի 22-րդ տուրում, երբ «ներաձուրրիները» 6:2 հաշվով ջախջախեցին «Պիզային»։ Հայ վետերանը հանդիպման վերջնական հաշիվը սահմանեց 93-րդ րոպեին՝ խփելով իր առաջին գոլը ընթացիկ մրցաշրջանում։

Գոլի պահին Մխիթարյանի տարիքն էր 37 տարեկան և 2 օր։ Այսպիսով, նա դուրս թողեց Ջուզեպպե Մեացին՝ «Ինտերի» լեգենդներից մեկին, վետերան ռմբարկուների հնգյակից։ Այժմ այս հեղինակավոր ցուցակում ընդգրկված են միայն՝

• Խավիեր Ձանետտի՝ 37 տարի, 4 ամիս և 5 օր

• Ֆրանցեսկո Աչերբի՝ 37 տարի, 2 ամիս և 26 օր

• Էդին Ջեկո՝ 37 տարի, 1 ամիս և 23 օր

• Սինիշա Միխայլովիչ՝ 37 տարի, 1 ամիս և 19 օր

• Հենրիխ Մխիթարյան՝ 37 տարի և 2 օր

Չնայած տարիքին՝ Մխիթարյանը շարունակում է բարձր մակարդակի ֆուտբոլ ցուցադրել և մնում է «Ինտերի» առանցքային խաղացողներից մեկը՝ ապացուցելով, որ փորձն ու պրոֆեսիոնալիզմը ժամանակի ազդեցությանը չեն ենթարկվում։

Մինչ մրցաշրջանի ավարտը հայ ֆուտբոլիստը դեռ հնարավորություն ունի գլխավորել այս ցանկը։