Կիպրոսը A խմբում 94-րդ րոպեին հաղթանակ տարավ Լատվիայի նկատմամբ
- Հեղինակ: Vahe Hakobyan
- Sportaran
Կիպրոսի հավաքականը կամային հաղթանակ տարավ Լատվիայի նկատմամբ ՈՒԵՖԱ-ի Ազգերի լիգայի երրորդ տուրի խաղում։ Հանդիպումն ավարտվեց 2:1 հաշվով։
Լատվիայի հավաքականը հաշվի մեջ առաջ անցավ 57-րդ րոպեին․ գոլի հեղինակ դարձավ Էդվարդս Դաշկևիչսը։ Հյուրերը պահպանում էին առավելությունը մինչև հանդիպման եզրափակիչ հատվածը, սակայն Կիպրոսին հաջողվեց շրջել խաղի ընթացքը։
70-րդ րոպեին Իոաննիս Կոստին հավասարեցրեց հաշիվը՝ 1:1։ Հանգուցալուծումը տեղի ունեցավ արդեն ավելացված ժամանակում․ 94-րդ րոպեին Մարկուս Էդվարդսը խփեց հաղթական գոլը և երեք միավոր պարգևեց Կիպրոսի հավաքականին։
Այսպիսով, Կիպրոսի հավաքականը կարևոր հաղթանակ տարավ C2 խմբում, որտեղ հանդես են գալիս նաև Հայաստանի և Չեռնոգորիայի ազգային հավաքականները։
Այսօր նույն խմբում կկայանա ևս մեկ հանդիպում՝ Չեռնոգորիա — Հայաստան։ Խաղը կանցկացվի Պոդգորիցայում։