Իսպանիան վստահ հաղթեց Ավստրիային և դուրս եկավ ԱԱ-2026-ի 1/8 եզրափակիչ
- Հեղինակ: Vahe Hakobyan
- Sportaran
Իսպանիայի հավաքականը առանց լուրջ խնդիրների հաղթահարեց Ավստրիայի արգելքը 2026 թվականի աշխարհի առաջնության փլեյ-օֆֆում։ Լուիս դե լա Ֆուենտեի թիմը վստահ հաղթանակ տարավ 3:0 հաշվով և դուրս եկավ մրցաշարի 1/8 եզրափակիչ։
Հանդիպման գլխավոր հերոսը դարձավ Միկել Օյարսաբալը, որը դուբլի հեղինակ դարձավ։ Իսպանիայի կազմում ևս մեկ գոլ խփեց Պեդրո Պորրոն։ Գերազանց հանդիպում անցկացրեց նաև Մարկ Կուկուրելյան, որը իր հաշվին գրանցեց երկու գոլային փոխանցում։
Իսպանիան շատ վստահ անցկացրեց հանդիպումը և գրեթե շանս չտվեց Ավստրիային պայքարել արդյունքի համար։ Իսպանացիները վերահսկում էին խաղի ընթացքը, հանգիստ հասցրին հանդիպումը խոշոր հաղթանակի և հաստատեցին մրցաշարի ֆավորիտներից մեկի կարգավիճակը։
ԱԱ-2026-ի 1/8 եզրափակիչում Իսպանիայի հավաքականը կխաղա Պորտուգալիա — Խորվաթիա զույգի հաղթողի հետ։