Գոռ Մատինյանը կարիերան կշարունակի «Սարդարապատում»
- Հեղինակ: Vahe Hakobyan
- Sportaran
Հայաստանի հավաքականի դարպասապահ Գոռ Մատինյանը կարիերան կշարունակի «Սարդարապատում»։ Այս մասին հայտնում է ինսայդեր Սուրեն Մելիքսեթյանը։
Ըստ աղբյուրի՝ դարպասապահը կարիերան արտերկրում շարունակելու տարբերակներ է ունեցել։ Մատինյանի ծառայություններով հետաքրքրված են եղել Ռումինիայի, Սլովենիայի ակումբներ, ինչպես նաև մոլդովական «Շերիֆը»։
Սակայն այդ թիմերում նրան առաջարկել են երկրորդ դարպասապահի դեր։ Արդյունքում Մատինյանը նախընտրել է տեղափոխվել «Սարդարապատ», որտեղ կարող է հույս ունենալ մշտական խաղային պրակտիկայի վրա։
Մատինյանի վերջին ակումբը «Ուրարտուն» էր։ Նախորդ մրցաշրջանի երկրորդ հատվածում նա քիչ խաղաժամանակ էր ստանում, որից հետո հեռացավ թիմից։
Հիշեցնենք, որ «Սարդարապատը» նախորդ մրցաշրջանում հաղթել է Հայաստանի Առաջին լիգայում և նոր մրցաշրջանում առաջին անգամ իր պատմության մեջ հանդես կգա Հայաստանի Բարձրագույն խմբում։