Հենրիխ Մխիթարյանը կարող է մտնել եվրագավաթներում անցկացրած խաղերի քանակով թոփ-10-ի մեջ
- Հեղինակ: Vahe Hakobyan
- Sportaran
Հայաստանի հավաքականի կիսապաշտպան Հենրիխ Մխիթարյանը կարող է ընդգրկվել եվրագավաթների պատմության լավագույն ֆուտբոլիստների շարքում՝ անցկացրած հանդիպումների քանակով։
Եթե վաղը Մխիթարյանը խաղադաշտ դուրս գա Մադրիդի «Ռեալի» դեմ հանդիպմանը, ապա կհասնի եվրագավաթներում անցկացրած 163 խաղի և այս ցուցանիշով կմտնի բոլոր ժամանակների լավագույն 14 ֆուտբոլիստների շարքը։
Այս պահին Հայաստանի հավաքականի ավագի հաշվին կա 162 հանդիպում ՈՒԵՖԱ-ի ակումբային մրցաշարերում․
- ՈՒԵՖԱ-ի Չեմպիոնների լիգա — 85 հանդիպում
- ՈՒԵՖԱ-ի Եվրոպա լիգա — 65 հանդիպում
- ՈՒԵՖԱ-ի Կոնֆերենցիաների լիգա — 11 հանդիպում
- ՈՒԵՖԱ-ի Սուպերգավաթ — 1 հանդիպում
Ընթացիկ մրցաշրջանում Մխիթարյանը հնարավորություն ունի շարունակել բարձրանալ պատմական վարկանիշային աղյուսակում։ «Ինտերի» կիսապաշտպանը կարող է գերազանցել այնպիսի լեգենդար ֆուտբոլիստների, ինչպիսիք են Լիոնել Մեսսին և Թոմաս Մյուլերը, որոնց հաշվին կա 167-ական եվրագավաթային հանդիպում, և մոտենալ լավագույն տասնյակին։
Նշենք, որ պատմական ցուցակում ընդգրկված ֆուտբոլիստներից եվրոպական մակարդակում շարունակում են հանդես գալ միայն Մխիթարյանն ու Լուկա Մոդրիչը։
Չեմպիոնների լիգայի նոր մրցաշրջանի իր մեկնարկային հանդիպումը «Ինտերը» կանցկացնի Մադրիդի «Ռեալի» դեմ արտագնա խաղում։ Հանդիպումը կկայանա սեպտեմբերի 8-ին՝ Երևանի ժամանակով 23:00-ին։
«Ռեալի» դեմ խաղին մասնակցելը կամ հաղթանակը Մխիթարյանին թույլ կտա էլ ավելի մոտենալ եվրագավաթներում ամենաշատ հանդիպումներ անցկացրած ֆուտբոլիստների էլիտար խմբին։