Էլինա Ավանեսյանը դուրս եկավ WTA-ի Համբուրգի մրցաշարի հիմնական ցանց
- Հեղինակ: Vahe Hakobyan
- Sportaran
Հայ թենիսիստուհի Էլինա Ավանեսյանը (WTA 208) հաջողությամբ հաղթահարեց WTA-ի Համբուրգի մրցաշարի որակավորման փուլը և հանդես կգա հիմնական ցանցում։
Որակավորման վերջին փուլում Ավանեսյանը երեք սեթում հաղթեց 40-ամյա Վարվարա Լեպչենկոյին (WTA 175)։ Հանդիպումն ավարտվեց 4:6, 7:6 (7:5), 6:3 հաշվով՝ հօգուտ հայ մարզուհու։
Մինչ այդ Էլինան հաղթել էր նաև Դալիլա Յակուպովիչին․ խաղը ավարտվել էր 4:2 հաշվով՝ մրցակցուհու վնասվածքի պատճառով։
Հիմնական ցանցի առաջին շրջանում Ավանեսյանի մրցակիցը կլինի նիդեռլանդացի թենիսիստուհի Արանչա Ռուսը (WTA 187)։
Մրցաշարի հիմնական ցանցում հանդես կգա նաև հայ թենիսիստուհի Ալինա Չարաևան (WTA 117)։ Նրա առաջին մրցակիցը կլինի իսպանուհի Սորրիբես-Տորմոն (WTA 212)։
Հիշեցնենք, որ ավելի վաղ երկու հայ թենիսիստուհիներն էլ ավարտել էին ելույթները WTA-ի Յասսիի մրցաշարի երկրորդ շրջանում։