Էլինա Ավանեսյանը և Ալինա Չարաևան դուրս են եկել Համբուրգի WTA 250 մրցաշարի 1/8 եզրափակիչ
- Հեղինակ: Vahe Hakobyan
- Sportaran
Հայ թենիսիստուհիներ Էլինա Ավանեսյանը և Ալինա Չարաևան հաջողությամբ հաղթահարել են Համբուրգում անցկացվող WTA 250 կարգի մրցաշարի առաջին փուլը։
Աշխարհի դասակարգման աղյուսակում 208-րդ տեղը զբաղեցնող Էլինա Ավանեսյանը վստահ հաղթանակ է տարել Նիդերլանդների 35-ամյա ներկայացուցիչ Արանչա Ռուսի նկատմամբ, որը WTA-ի վարկանիշում 187-րդն է։ Հանդիպումն ավարտվել է երկու սեթում՝ 6:2, 6:1 հաշվով։
Քառորդ եզրափակիչի ուղեգրի համար Ավանեսյանը կմրցի Ղազախստանը ներկայացնող Յուլիա Պուտինցևայի հետ, որը WTA-ի դասակարգման աղյուսակում զբաղեցնում է 79-րդ տեղը։
Աշխարհի 117-րդ ռակետ Ալինա Չարաևան կամային հաղթանակ է տարել իսպանուհի Սարա Սորիբես-Տորմոյի նկատմամբ՝ 3:6, 7:5, 6:1։ Իսպանացի թենիսիստուհին WTA-ի վարկանիշում զբաղեցնում է 212-րդ տեղը։
1/8 եզրափակիչում Չարաևայի մրցակիցը կլինի ավստրիացի Սինյա Կրաուսը, որը համաշխարհային դասակարգման աղյուսակում 80-րդն է։