Դավիթ Մգոյանը պայմանագիր է կնքել վրացական RKENA լիգայի հետ
MMA
- Հեղինակ: Vahe Hakobyan
- Sportaran
Հայ խառը մենամարտերի մարտիկ Դավիթ Մգոյանը (9-1) պայմանագիր է կնքել վրացական RKENA լիգայի հետ։
22-ամյա մարզիկն իր վերջին մենամարտն անցկացրել է Ջեյք Փոլի հիմնադրած MVP MMA պրոմոուշենում։ Մգոյանի մրցակիցը UFC-ի նախկին մարտիկ Ալբերտ Մորալեսն էր։ Մենամարտի արդյունքում Դավիթը հաղթանակ տարավ մրցավարների որոշմամբ։
Ավելի վաղ Մգոյանը փորձել էր հայտնվել UFC-ում՝ մասնակցելով Dana White’s Contender Series մրցաշարին, սակայն պարտություն էր կրել և չէր ստացել պայմանագիր աշխարհի խոշորագույն MMA պրոմոուշենի հետ։
Ներկայում Մգոյանը շարունակում է մարզվել UFC-ի առաջատար թեթևքաշայիններից մեկի՝ Արման Ծառուկյանի հետ։
RKENA-ում Դավիթ Մգոյանի նորամուտի մենամարտի ամսաթիվը, ինչպես նաև նրա մրցակցի անունը կհայտարարվեն մոտ ժամանակներս։
