Չիմաևն ու Սադուլաևը հաղթեցին RAF Moscow-ում. ազատ ոճի ըմբշամարտի մրցաշարի բոլոր արդյունքները

Սեպտեմբերի 5-ին Մոսկվայում կայացավ ամերիկյան Real American Freestyle (RAF Moscow) ըմբշամարտի լիգայի առաջին մրցաշարը Ռուսաստանում, որը համախմբեց խառը մենամարտերի (MMA) և ազատ ոճի ըմբշամարտի բազմաթիվ աստղերի։

Երեկոյի գլխավոր մենամարտում UFC-ի մարտիկ Խամզատ Չիմաևը մրցեց UFC-ի նախկին չեմպիոն Թայրոն Վուդլիի հետ։ Չիմաևը վստահորեն վերահսկում էր գոտեմարտը, առաջ էր 6:0 հաշվով և ավարտեց այն վաղաժամ՝ հաղթելով տուշեով։

Համագլխավոր մենամարտում օլիմպիական չեմպիոն Աբդուլռաշիդ Սադուլաևը լարված պայքարում 8:6 հաշվով հաղթեց ամերիկացի Զաք Բրաունագելին։

Երեկոյի ամենադիտարժան գոտեմարտերից մեկը աշխարհի գործող չեմպիոն Զահիդ Վալենսիայի և ռուսաստանցի Իբրահիմ Կադիևի դիմակայությունն էր։ Ամերիկացի ըմբիշը հաղթեց 9:5 հաշվով։ Մի քանի օր անց Վալենսիան կմեկնի Երևան, որտեղ կմասնակցի «Ստեփան Սարգսյանի հուշամրցաշարին», որը կանցկացվի սեպտեմբերի 10-13-ը։

Հաղթանակներ տարան նաև օլիմպիական չեմպիոններ և ԱՄՆ-ի հայտնի ըմբիշներ՝ Քայլ Սնայդերը, Քայլ Դեյքը, Ջորդան Բերոուզը, Բո Նիկալը, Ջեյսոն Նոլֆը, Վիտո Արուջաուն և մյուսները։

Շատ գոտեմարտերում ԱՄՆ-ի ներկայացուցիչները առավել ուժեղ գտնվեցին ռուսաստանցի մրցակիցներից։

RAF Moscow-ի արդյունքները

Գլխավոր մենամարտ, միջանկյալ քաշ

• Խամզատ Չիմաև (ԱՄԷ) — Թայրոն Վուդլի (ԱՄՆ) — 6:0, տուշե

Համագլխավոր մենամարտ, կիսածանր քաշ

• Աբդուլռաշիդ Սադուլաև (Ռուսաստան) — Զաք Բրաունագել (ԱՄՆ) — 8:6

Առաջին ծանր քաշ

• Իբրահիմ Կադիև (Ռուսաստան) — Զահիդ Վալենսիա (ԱՄՆ) — 5:9

Միջանկյալ քաշ

• Շարաբուտդին Մագոմեդով (Ռուսաստան) — Նեյման Գրեյսի (Բրազիլիա) — 11:3

Կիսածանր քաշ

• Ահմեդ Թաժուդինով (Բահրեյն) — Քայլ Սնայդեր (ԱՄՆ) — 5:10

Առաջին ծանր քաշ

• Արսենի Ջիոև (Ռուսաստան) — Քայլ Դեյք (ԱՄՆ) — 6:7

Միջին քաշ

• Մագոմեդ Կուրբանալիև (Ռուսաստան) — Ջորդան Բերոուզ (ԱՄՆ) — 0:10

Կիսածանր քաշ

• Շիրվանի Մուրադով (Ռուսաստան) — Բո Նիկալ (ԱՄՆ) — 7:11

Միջանկյալ քաշ

• Իսմայիլ Խանիև (Ռուսաստան) — Ջեյսոն Նոլֆ (ԱՄՆ) — 5:5 (-/+)

Ծանր քաշ

• Անատոլի Մալիխին (Ռուսաստան) — Պույա Ռահմանի (ԱՄԷ) — 2:10

Միջին քաշ

• Յուսուֆ Ռաիսով (Ռուսաստան) — Մարիֆ Պիրաև (Ռուսաստան) — 12:2

Միջանկյալ քաշ

• Սոսլան Ռամոնով (Ռուսաստան) — Վիտո Արուջաու (ԱՄՆ) — 3:13

RAF լիգայի հաջորդ մրցաշարը՝ RAF 13, կկայանա սեպտեմբերի 18-ին Ֆլորիդայում, իսկ հոկտեմբերի 23-ին Լաս Վեգասում կանցկացվի RAF 14-ը, որտեղ սպասվում է UFC-ի մարտիկ Արման Ծառուկյանի մասնակցությունը։