Հայ սամբիստները 21 մեդալ են նվաճել Եվրոպայի առաջնությունում Լիմասոլում

Ապրիլի 22-ից 27-ը Կիպրոսի Լիմասոլ քաղաքում անցկացվեց սամբոյի Եվրոպայի առաջնությունը՝ մեծահասակների, երիտասարդների, պատանիների և կադետների միջև: Հայաստանի հավաքականը բոլոր տարիքային խմբերում նվաճեց 21 մեդալ՝ 3 ոսկե, 5 արծաթե և 13 բրոնզե պարգևներ:

Ապրիլի 27-ին ավարտվեց մինչև 16 տարեկան կադետների մրցաշարը, որտեղ Հայաստանի հավաքականի կազմում աչքի ընկան․

• Արայիկ Պետրոսյան — արծաթ՝ մինչև 58 կգ քաշային կարգում,

• Արամ Կիրակոսյան — բրոնզ՝ մինչև 53 կգ քաշային կարգում,

• Գոռ Մուրադյան — բրոնզ՝ մինչև 71 կգ քաշային կարգում,

• Գոռ Անտոնյան — բրոնզ՝ մինչև 79 կգ քաշային կարգում:

Մինչև 58 կգ քաշային կարգի եզրափակիչում Արայիկ Պետրոսյանը պարտվեց Արթուր Պետրոսյան-Ջիգարխանովին, որը ներկայացնում էր Ռուսաստանի հավաքականը և դարձավ Եվրոպայի չեմպիոն:

Բոլոր տարիքային խմբերի արդյունքները հաշվի առնելով՝ Հայաստանից սամբոյի Եվրոպայի չեմպիոն դարձան․

• Արման Ավանեսյան (98 կգ) — մեծահասակների մրցաշարում,

• Մհեր Հովհաննիսյան (71 կգ) — մինչև 20 տարեկանների մրցաշարում,

• Գոռ Շատվերյան (71 կգ) — մինչև 18 տարեկանների մրցաշարում:

Ընդհանուր մեդալային հաշվարկում Հայաստանի հավաքականը բոլոր տարիքային խմբերում զբաղեցրեց հինգերորդ տեղը։