Ալինա Չարաևան դուրս եկավ Պեկինի WTA 1000 մրցաշարի 1/8 եզրափակիչ
Թենիս
- Հեղինակ: Vahe Hakobyan
- Sportaran
Հայ թենիսիստուհի Ալինա Չարաևան շարունակում է հաջող ելույթները Պեկինում ընթացող WTA 1000 կարգի մրցաշարում։
1/16 եզրափակիչի խաղում WTA վարկանիշում 118-րդ տեղը զբաղեցնող Չարաևան հաղթեց բրիտանուհի Սոնայ Քարթալին (WTA 129)։ Հանդիպումն ավարտվեց երկու սեթում՝ 6:4, 6:1 հաշվով։
Այսպիսով, Չարաևան դուրս եկավ մրցաշարի 1/8 եզրափակիչ, որտեղ նրա հաջորդ մրցակիցը կլինի Չինաստանի ներկայացուցիչ Ցինվեն Չժենը (WTA 54)։
Թենիսիստուհիները նախկինում հանդիպել են մեկ անգամ։ 2020 թվականին Չժենը հաղթել էր երեք սեթում՝ 2:1 հաշվով։
Հիշեցնենք, որ նախորդ փուլում Չարաևան տարել էր իր կարիերայի ամենախոշոր հաղթանակներից մեկը՝ հաղթելով աշխարհի առաջին ռակետ Ելենա Ռիբակինային՝ 3:6, 6:4, 6:3 հաշվով։