Ադորյանը խփեց մրցաշրջանի առաջին գոլը և օգնեց «Բանֆիլդին» դուրս գալ Արգենտինայի գավաթի քառորդ եզրափակիչ

«Բանֆիլդի» 24-ամյա կիսապաշտպան Թոմաս Ադորյանը գոլի հեղինակ դարձավ Արգենտինայի գավաթի 1/8 եզրափակիչում՝ «Միդլենդի» դեմ խաղում։

Ադորյանը հանդիպումը սկսեց մեկնարկային կազմում և խաղադաշտում անցկացրեց ամբողջ 90 րոպեն։ Հանդիպման հիմնական ժամանակն ավարտվեց ոչ-ոքի՝ 2:2 հաշվով, իսկ 11-մետրանոց հարվածաշարում «Բանֆիլդը» հաղթեց 4:3 հաշվով։ Թոմասը 11-մետրանոց չիրացրեց։

Ադորյանի համար սա առաջին գոլն էր ընթացիկ մրցաշրջանում։ Ավելի վաղ 24-ամյա կիսապաշտպանը նաև երկու գոլային փոխանցում էր կատարել Արգենտինայի առաջնությունում։

Մրցաշրջանի ընթացքում Ադորյանի դերը «Բանֆիլդի» կազմում աստիճանաբար մեծանում է, և նա դառնում է թիմի առաջատարներից մեկը։ Այս ֆոնին կրկին արդիական է դառնում Հայաստանի ազգային հավաքական նրա հնարավոր վերադարձի հարցը։

2025 թվականին Ադորյանը Հայաստանի հավաքականի կազմում անցկացրել է երկու ընկերական հանդիպում, երբ թիմը գլխավորում էր Ջոն վան ’տ Սխիպը։ Եղիշե Մելիքյանի գլխավորությամբ կիսապաշտպանը դեռևս որևէ անգամ չի հրավիրվել ազգային հավաքական։

«Միդլենդի» նկատմամբ հաղթանակի շնորհիվ «Բանֆիլդը» դուրս եկավ Արգենտինայի գավաթի քառորդ եզրափակիչ։