Գեորգի Հարությունյանը օգնեց «Պուշկաշ Ակադեմիային» հաղթել «Դեբրեցենին»

Հայաստանի ազգային հավաքականի պաշտպան Գեորգի Հարությունյանը կրկին ամբողջական հանդիպում անցկացրեց «Պուշկաշ Ակադեմիայի» կազմում՝ այս անգամ «Դեբրեցենի» դեմ, և օգնեց իր թիմին հաղթել կարևոր խաղում՝ 4:2 հաշվով։

Նա խաղում էր իր արդեն սովորական դարձած կենտրոնական կիսապաշտպանի դիրքում և վստահ հանդես եկավ՝ ներդրում ունենալով ինչպես պաշտպանությունում, այնպես էլ խաղի կազմակերպման հարցում։

Հարությունյանը խաղացել է 90+ րոպե, կատարել է 20 ճշգրիտ փոխանցում՝ 77% ճշգրտությամբ, 6 հաջող պաշտպանական գործողություն, 7 հաղթած մենամարտ 9-ից, և 2 մաքրում։ Նա նաև գրանցել է մեկ արգելափակված հարված, մեկ միջամտություն և 3 ճշգրիտ երկար փոխանցում 6 փորձից։ SofaScore-ը նրա ելույթը գնահատել է 6.9 միավորով։

Այս հաղթանակը թույլ տվեց «Պուշկաշ Ակադեմիային» պահպանել առաջատարը Հունգարիայի առաջնության մրցաշարային աղյուսակում։ Սակայն տիտղոսի համար պայքարը շարունակում է մնալ լարված․ «Ֆերենցվարոշը» ունի նույնքան միավոր և մի հանդիպում պակաս, ինչը մրցաշրջանի վերջնամասը դարձնում է առավել ինտրիգային։