Հայաստանի Պրեմիեր լիգայի հանդիպումները կհեռարձակվեն Free News հեռուստաընկերությամբ

Հայաստանի ֆուտբոլի ֆեդերացիան և Free News հեռուստաընկերությունը սկսում են համագործակցություն, որի շրջանակում Հայաստանի Պրեմիեր լիգայի հանդիպումները կհեռարձակվեն հեռուստաընկերության եթերում։

Հայաստանի ֆուտբոլի ֆեդերացիայի հաղորդմամբ՝ առաջնության հանդիպումների հեռարձակումները հասանելի կլինեն Free News-ի մայրաքաղաքային սփռման տարածքում։

Միաժամանակ շարունակվում են բանակցությունները՝ Հայաստանի Պրեմիեր լիգայի հանդիպումները նաև հանրապետական սփռում ունեցող հեռուստաընկերությամբ հեռարձակելու ուղղությամբ։

Հայաստանի ֆուտբոլի ֆեդերացիայում ընդգծել են, որ հետևողականորեն շարունակում են աշխատանքները՝ ազգային առաջնության հանդիպումների հեռարձակման հնարավորություններն ընդլայնելու և դրանք առավել լայն լսարանի համար հասանելի դարձնելու նպատակով։