Գամպրը դարձավ 2025 թվականի Հայաստանում կայանալիք Հոկեյի աշխարհի առաջնության պաշտոնական թալիսմանը

Թալիսմանների մրցույթի փորձագիտական ժյուրին լավագույնն է ճանաչել Էլլա Ամատունու աշխատանքը։ Հաղթող է ճանաչվել հայկական գամպրը՝ պահակաշների ցեղատեսակը, որը հայտնի է իր ուժով, տոկունությամբ և ճարպկությամբ։ Նա կդառնա գալիք հոկեյի առաջնության խորհրդանիշը։

«Հայկական գամպրը եզակի ցեղատեսակ է, որը դարեր շարունակ ծառայել է որպես մարդկանց պաշտպան։ Նրա հզոր կազմվածքը, խիտ բուրդը և անսասան նվիրվածությունը նրան դարձնում են առաջնության կատարյալ խորհրդանիշ։ Համոզված եմ, որ նա հրաշալի կերպով կփոխանցի մրցաշարի ոգին»,- պատմեց Էլլան իր աշխատանքի մասին։

Թալիսման Գամպրը կուղեկցի մասնակիցներին և կուրախացնի երկրպագուներին մրցաշարի ընթացքում, որը տեղի կունենա Երևանում 2025 թվականի ապրիլի 13-ից 19-ը։ Մրցաշարին կմասնակցեն վեց թիմեր՝

• Հայաստան

• Ուզբեկստան

• Իրան

• Քուվեյթ

• Մալայզիա

• Ինդոնեզիա

Բոլոր հանդիպումները տեղի կունենան գեղասահքի և հոկեյի դպրոցի սառցադաշտում՝ հասցեով՝ Ադմիրալ Իսակովի պողոտա, 27/10։

Գալիք առաջնությունը խոստանում է լինել հագեցած և դիտարժան։ Իսկ մրցաշարի այս յուրահատուկ թալիսմանը ոչ միայն կհանդիսանա առաջնության խորհրդանիշ, այլև կարևոր դեսպան՝ ներկայացնելու հայկական մշակույթը սպորտի աշխարհում։