Ֆուտզալի Բարձրագույն լիգա․ «Երևանը» դրամատիկ պայքարում հաղթեց «Յունիսպորտին» եզրափակիչի առաջին խաղում

Հայաստանի ֆուտզալի Բարձրագույն լիգայի փլեյ-օֆֆի եզրափակիչ սերիայի առաջին հանդիպումն ավարտվեց «Երևան» թիմի հաղթանակով․ երևանցիները առավելության հասան «Յունիսպորտի» նկատմամբ 11 մետրանոցների շարքում։

Հիմնական ժամանակն ավարտվեց 3:3 հաշվով։ Խաղացին նաև երկու լրացուցիչ ժամանակներ, սակայն հաղթող այդպես էլ չհաստատվեց։ Ամեն ինչ որոշվեց 11 մետրանոցների շարքում, որտեղ «Երևանը» ավելի ճիշտ իրացրեց իր հարվածները՝ 4:3։

Հանդիպման հերոս դարձավ Միգրան Դերմենջյանը, ով ձևակերպեց հեթ-տրիկ «Երևանի» կազմում։ «Յունիսպորտի» կազմում գոլերի հեղինակ դարձան Համլետ Մանուկյանը, Տիգրան Վարդանյանը և Սարգիս Մարգարյանը։

Հիշեցնենք, որ կանոնավոր առաջնության հաղթող էր դարձել «Յունիսպորտը», որը նախորդ երկու խաղերում հաղթել էր «Երևանին»՝ 6։5 և 1։0 հաշվով, սակայն եզրափակիչի առաջին խաղում ուժեղ գտնվեց «Երևանը»։

Եզրափակիչի երկրորդ խաղը տեղի կունենա մայիսի 25-ին։