«Ալաշկերտը» հայտարարեց երեք ֆուտբոլիստի հետ պայմանագիր կնքելու մասին

Ֆուտբոլային ակումբ «Ալաշկերտը» իր սոցիալական ցանցերում հայտարարեց ձմեռային տրանսֆերային պատուհանի ընթացքում ևս երեք ֆուտբոլիստի ձեռքբերման մասին։

Ակումբին միացան երեք ֆուտբոլիստներ.

Ռոբերտ Պոտինյան – 21-ամյա վինգեր, ով «Կրասնոդարի» ակադեմիայի սան է, հանդես է եկել Հայաստանի երիտասարդական հավաքականում։ Նրա վերջին ակումբը «Կոմպոզիտն» էր։

Պավել Կիրիենկո – 30-ամյա ռուս կիսապաշտպան, որի վերջին թիմը եղել է ղազախական «Տուրանը»։

Արտյոմ Արխիպով – 28-ամյա ռուս հարձակվող, որը նույնպես խաղացել է ղազախական «Տուրանում»։

Արդեն վաղը, փետրվարի 19-ին, «Ալաշկերտը» կանցկացնի տարվա առաջին պաշտոնական հանդիպումը «Նոայի» դեմ՝ Հայաստանի գավաթի 1/8 եզրափակչի շրջանակներում։