Տիկնիզյանի գործակալը նշեց, որ նոր պայմանագրի վերաբերյալ բանակցությունները ընթանում են դրական կերպով։
Նաիր Տիկնիզյանի գործակալ Ալեքսանդր Կլյուևը մեկնաբանել է լուրերը, թե իբր իր հաճախորդը ակումբից պահանջել է ավելի բարձր աշխատավարձ՝ պայմանագրի երկարաձգման համար։
«Տիկնիզյանը այժմ գտնվում է ուսումնամարզական հավաքներում, նա կենտրոնացած է «Լոկոմոտիվ»-ի համար մարզումների և խաղերի վրա։ Ինչ վերաբերում է Նաիրի բարձր պահանջներին և մնացածին, ապա դա բացարձակ անհեթեթություն է։ Չգիտեմ, թե ում է պետք այդ տեսակի աղմուկը։ Դա չի համապատասխանում իրականությանը։
Վերջերս մենք հանդիպում ունեցանք «Լոկոմոտիվ»-ի ղեկավարության հետ՝ պայմանագիրը երկարաձգելու վերաբերյալ, և ամեն ինչ անցավ դրական։ Ավելացնելու բան չունեմ», – ասել է գործակալ Ալեքսանդր Կլյուևը։
Հիշեցնենք, որ մամուլում լուրեր էին տարածվել, թե իբր «Լոկոմոտիվ»-ը հրաժարվում է երկարաձգել Տիկնիզյանի պայմանագիրը՝ աշխատավարձի բարձր պահանջների պատճառով։