«Յունիսպորտը» երկու խաղացողով ուժեղացել է նոր մրցաշրջանից առաջ
- Հեղինակ: Vahe Hakobyan
- Sportaran
«Յունիսպորտը» շարունակում է ակտիվ նախապատրաստվել նոր մրցաշրջանին և ֆուտզալի Չեմպիոնների լիգայի որակավորման փուլին։ Թիմը համալրել են երկու ուշագրավ նորեկներ՝ բրազիլացի հարձակվող Վիտինյոն և Հայաստանի հավաքականի դարպասապահ Արթուր Մկրտչյանը։
32-ամյա Վիտինյոն նախկինում հանդես է եկել Հայաստանի հավաքականում։ Վերջին մրցաշրջանը նա անցկացրել է հունական ԱԵԿ-ում, որի կազմում հասել է ֆուտզալի Չեմպիոնների լիգայի փլեյ-օֆֆ։ Վճռորոշ փուլում հունական ակումբը զիջել է միայն ապագա հաղթողին՝ պորտուգալական «Սպորտինգին»։
«Յունիսպորտի» մյուս նորեկը դարձել է Հայաստանի հավաքականի և «Սիևնի» դարպասապահ Արթուր Մկրտչյանը։ Հետաքրքիր է, որ թիմի կազմում արդեն հանդես է գալիս ազգային հավաքականի ևս մեկ դարպասապահ՝ Էմին Ղարաբեկյանցը։
Հիշեցնենք, որ նոր մրցաշրջանում «Յունիսպորտը» Հայաստանը կներկայացնի ֆուտզալի Չեմպիոնների լիգայի որակավորման փուլում։