Յասոնաս Պիկիսը տեղափոխվեց «Փյունիկ»
- Հեղինակ: Vahe Hakobyan
- Sportaran
Երևանի «Փյունիկը» շարունակում է աշխատանքը տրանսֆերային շուկայում նոր մրցաշրջանի մեկնարկից առաջ։ Ակումբը պայմանագիր է կնքել 25-ամյա հարձակվող Յասոնաս Պիկիսի հետ, որը նախկինում հանդես էր գալիս կիպրական «Օլիմպիակոս Նիկոսիայում»։
«Փյունիկը» ակտիվացրել է ֆուտբոլիստին գնելու տարբերակը։ Առկա տեղեկությունների համաձայն՝ Պիկիսի տրանսֆերը երևանյան ակումբի համար արժեցել է 50 հազար եվրո։
Նախորդ մրցաշրջանում կիպրացի հարձակվողը անցկացրել է 33 հանդիպում, որոնցում խփել է 7 գոլ և կատարել 3 արդյունավետ փոխանցում։ Այժմ Պիկիսը կարիերան կշարունակի Հայաստանի առաջնությունում։
Սա «Փյունիկի» առաջին ուժեղացումը չէ ամառային տրանսֆերային պատուհանի ընթացքում։ Ավելի վաղ երևանյան ակումբը պայմանագրեր էր կնքել պաշտպան Էրիկ Սիմոնյանի և կիսապաշտպան Հովհաննես Հարությունյանի հետ։
Հիշեցնենք, որ նախորդ մրցաշրջանի արդյունքներով «Փյունիկը» զբաղեցրել է երրորդ տեղը Հայաստանի առաջնությունում և իրավունք ստացել հանդես գալու Կոնֆերենցիաների լիգայի որակավորման առաջին փուլում։