Տիկնիզյանն առաջին անգամ մեկնարկային կազմում դուրս եկավ «Օլիմպիակոսի» կազմում և «Աստերասի» դեմ խաղում ստացավ 7,6 գնահատական

Հունաստանի Սուպերլիգայի երկրորդ տուրում «Օլիմպիակոսը» 1:0 հաշվով հաղթեց «Աստերասին»։ Հանդիպման միակ գոլը 31-րդ րոպեին խփեց Ժոտա Սիլվան։

Այս խաղում Հայաստանի հավաքականի պաշտպան Նաիր Տիկնիզյանն առաջին անգամ ընդգրկվեց «Օլիմպիակոսի» մեկնարկային կազմում։ Ֆուտբոլիստը խաղադաշտում անցկացրեց ամբողջ հանդիպումը և դեղին քարտ ստացավ։

Տիկնիզյանը ակտիվորեն միանում էր իր թիմի գրոհներին։ 45-րդ րոպեին նրա փոխանցումներից մեկից հետո «Օլիմպիակոսի» հարձակվող Այուբ Էլ-Քաաբին հարված կատարեց, և գնդակը դիպավ դարպասաձողին (տեսանյութում)։

Տիկնիզյանի վիճակագրությունը խաղում․

• Ճշգրիտ փոխանցումներ՝ 30 (68%)
• Սուր փոխանցումներ՝ 1
• Ստեղծած գոլային պահեր՝ 1
• Փոխանցումներ եզրից՝ 1-ը 2-ից
• Գնդակի կորուստներ՝ 24
• Խլումներ՝ 2
• Փոխանցումների ընդհատումներ՝ 3
• Գնդակի հեռացումներ՝ 4
• Գնդակի վերադարձներ՝ 5
• Մենապայքարներ՝ 2-ը 5-ից
• Օդային մենապայքարներ՝ 3-ը 4-ից
• Խախտումներ՝ 3
• Դեղին քարտեր՝ 1
• SofaScore-ի գնահատականը՝ 7,6