Տիգրան Բարսեղյանը ընդգրկվել է «Սլովանի»՝ Չեմպիոնների լիգայի հիմնական փուլի հայտացուցակում
- Հեղինակ: Vahe Hakobyan
- Sportaran
Սլովակիայի չեմպիոն Բրատիսլավայի «Սլովանը» պաշտոնապես հրապարակել է 2026/27 մրցաշրջանի ՈՒԵՖԱ-ի Չեմպիոնների լիգայի հիմնական փուլի իր հայտացուցակը։ A ցուցակում ընդգրկվել է նաև Հայաստանի ազգային հավաքականի կիսապաշտպան Տիգրան Բարսեղյանը։
Սլովակիայի չեմպիոնի հայտացուցակում ընդգրկվել է ընդհանուր առմամբ 22 ֆուտբոլիստ։ Թիմի վերջին համալրումներից մեկը պաշտպան Սահմկու Կամարան էր, որի գրանցումից հետո հայտացուցակից դուրս է մնացել հարձակվող Մանասե Կիանգան։
«Սլովանի» դարպասապահներն են Մատուշ Մացիկը, Ալեքսանդր Պոպովիչը և Դոմինիկ Տակաչը։ Պաշտպանությունում ընդգրկված են Կենան Բայրիչը, Սեսար Բլեքմանը, Սահմկու Կամարան, Սանդրո Կրուզը, Սամուել Կոզլովսկին, Սվետոզար Մարկովիչը և Կևին Վիմմերը։
Կիսապաշտպանությունում Բարսեղյանի հետ հանդես կգան Արթուր Գայդոշը, Ռահիմ Իբրահիմը, Դանիիլ Իգնատենկոն, Կրիստիան Մարտինեսը, Դայկի Մացուոկան, Ալեն Մուստաֆիչը և Պետեր Պոկորնին։ Հարձակման գծում ընդգրկված են Սուլեյման Կամարան, Ռոման Չերեպկայը, Անդրաժ Շպորարը և Ալասանա Յիրայանգը։
ՈՒԵՖԱ-ի կանոնակարգի համաձայն՝ Չեմպիոնների լիգայի հիմնական փուլի ընթացքում A ցուցակում փոփոխություններ կատարել հնարավոր չէ՝ բացառությամբ դարպասապահների կամ երկարատև վնասվածքների հետ կապված հատուկ դեպքերի։ Միևնույն ժամանակ, յուրաքանչյուր տուրից առաջ ակումբը կարող է անհրաժեշտության դեպքում հայտավորել B ցուցակի երիտասարդ ֆուտբոլիստների, եթե նրանք համապատասխանում են մրցաշարի պահանջներին։
Տիգրան Բարսեղյանի համար առաջիկա մրցաշրջանը ևս մեկ հնարավորություն կլինի իրեն դրսևորելու Եվրոպայի ամենահեղինակավոր ակումբային մրցաշարում՝ Սլովակիայի չեմպիոնի կազմում։