Սպերցյանն օգնեց «Ալ-Ահլիին» կամային հաղթանակ տանել «Ալ-Ֆեյհայի» նկատմամբ Սաուդյան Արաբիայի առաջնությունում

Հոկտեմբերի 19-ին «Ալ-Ահլին» Սաուդյան Արաբիայի Պրո լիգայի 10-րդ տուրի արտագնա խաղում 3։2 հաշվով հաղթանակ տարավ «Ալ-Ֆեյհայի» նկատմամբ։ Հայաստանի ազգային հավաքականի կիսապաշտպան Էդուարդ Սպերցյանը խաղադաշտ դուրս եկավ մեկնարկային կազմում և անցկացրեց 89 րոպե։

Հանդիպման գլխավոր հերոսը դարձավ ուկրաինացի կիսապաշտպան Արտյոմ Բոնդարենկոն, որը դուբլ ձևակերպեց։ Հաղթողների կազմում ևս մեկ գոլի հեղինակ դարձավ սաուդցի հարձակվող Ֆիրաս Ալ-Բուրայկանը։

Սպերցյանը SofaScore վիճակագրական հարթակից ստացել է 7,1 գնահատական։ Հայ կիսապաշտպանը երկու հարված է կատարել մրցակցի դարպասին՝ գրանցելով 0,13 սպասվող գոլի (xG) ցուցանիշ, սակայն չի կարողացել իրացնել մեկ գոլային հնարավորություն։

Միևնույն ժամանակ, 26-ամյա ֆուտբոլիստը ցուցադրել է փոխանցումների բարձր ճշգրտություն՝ 86%, ինչպես նաև վաստակել է իր նկատմամբ կանոնների չորս խախտում։

Էդուարդ Սպերցյանի վիճակագրությունը «Ալ-Ֆեյհայի» դեմ խաղում

• Խաղադաշտում անցկացրած րոպեներ՝ 89

• SofaScore-ի գնահատական՝ 7,1

• Հարվածներ՝ 2 (xG՝ 0,13)

• Չիրացված գոլային պահեր՝ 1

• Ճշգրիտ փոխանցումներ՝ 43 (86%)

• Հաջող շրջանցումներ՝ 1՝ 3 փորձից

• Վաստակած խախտումներ՝ 4

• Գնդակի կորուստներ՝ 14

• Փոխանցումների ընդհատումներ՝ 2

• Հաղթած մենապայքարներ՝ 5՝ 9-ից

Այս հաղթանակի շնորհիվ «Ալ-Ահլին» շարունակում է պայքարը Սաուդյան Արաբիայի առաջնության առաջատար դիրքերի համար։ Անցկացրած ինը հանդիպումներից հետո Սպերցյանի թիմը զբաղեցնում է մրցաշարային աղյուսակի չորրորդ հորիզոնականը։