«Շիրակը» խոշոր հաշվով հաղթեց «Վանին» Հայաստանի առաջնության խաղում
Ֆուտբոլ
- Հեղինակ: Vahe Hakobyan
- Sportaran
«Շիրակը» Հայաստանի առաջնության 5-րդ տուրի արտագնա խաղում խոշոր հաշվով հաղթեց «Վանին»։ Հանդիպումն ավարտվեց գյումրեցիների 4:0 հաշվով հաղթանակով։
Խաղի գլխավոր հերոսներից մեկը դարձավ «Շիրակի»՝ Կոտ դ’Իվուարից նորեկ Բամբա Մեսամբան, որը դուբլ ձևակերպեց։ Մեկական գոլ խփեցին նաև Դիդիե Կոդիան և Ռաֆիկ Միսակյանը, որն աչքի ընկավ տպավորիչ հեռահար հարվածով։
Այս հաղթանակից հետո «Շիրակը» վաստակել է 7 միավոր և Հայաստանի առաջնության մրցաշարային աղյուսակում զբաղեցնում է 7-րդ տեղը։
«Վանը» շարունակում է անհաջող մեկնարկը․ թիմը վաստակել է ընդամենը մեկ միավոր և կրել է չորս պարտություն։