ProBasket A League-ը վերադառնում է․ նոր մրցաշրջանին կմասնակցի հինգ երկրի 10 թիմ

Բասկետբոլային ProBasket A League-ը պատրաստվում է 2026/27 մրցաշրջանի մեկնարկին։ Կազմակերպիչները ներկայացրել են նոր խաղարկության մասնակիցների ցանկը, որում չեմպիոնական տիտղոսի համար կպայքարեն հինգ երկրների՝ Հայաստանի, ԱՄՆ-ի, Վրաստանի, Ղազախստանի և Ղրղզստանի 10 թիմեր։

Մրցաշարում ամենամեծ ներկայացվածությունը կունենա Հայաստանը՝ Երևանի հինգ ակումբով։ Եվս երկու թիմ կներկայացնի ԱՄՆ-ն, իսկ Վրաստանը, Ղազախստանն ու Ղրղզստանը հանդես կգան մեկական թիմով։

ProBasket A League-ի 2026/27 մրցաշրջանի բոլոր մասնակիցները

Հայաստան (5 թիմ)․

• BC YANGS (Երևան)

• BC URARTU (Երևան)

• BKMA (Երևան)

• BC HATIS (Երևան)

• BC HAT (Երևան)

ԱՄՆ (2 թիմ)․

• BC CROSSNATION

• BC PHOENIX PERCEPTION

Վրաստան (1 թիմ)․

• BC TBILISI BTB

Ղազախստան (1 թիմ)․

• BC BARSY ATYRAU

Ղրղզստան (1 թիմ)․

• BC NOMAD

Նոր մրցաշրջանում սպասվում է ավելի թեժ մրցակցություն

Մասնակիցների միջազգային կազմը կրկին կդառնա ProBasket A League-ի գլխավոր առանձնահատկություններից մեկը։ Տարբեր երկրների թիմերի հանդիպումները երկրպագուներին հնարավորություն կտան հետևելու նոր դիմակայությունների և տեսնելու խաղային բազմազան ոճեր։

Կազմակերպիչները խոստանում են, որ 2026/27 մրցաշրջանը կպարգևի չեմպիոնության համար ավելի լարված պայքար, սկզբունքային հանդիպումներ և բասկետբոլային վառ հույզեր։

Մրցաշարի հովանավորը կրկին կլինի Armenia Basketball հիմնադրամը, որը հիմնադրվել է ԱՄՆ-ի Կալիֆոռնիա նահանգում և Հայաստանի բասկետբոլի ֆեդերացիայի հետ համատեղ աջակցում է մրցաշարի անցկացմանը։

Հայկական հինգ ակումբների մասնակցությունը տեղի բասկետբոլիստներին հնարավորություն կտա պարբերաբար մրցելու արտասահմանյան թիմերի դեմ և ձեռք բերելու միջազգային խաղային լրացուցիչ փորձ։

Առաջնության մեկնարկի հստակ ամսաթվերը, հանդիպումների խաղացանկը և նոր մրցաշրջանի անցկացման ձևաչափը դեռ չեն հայտարարվել։