Պաշտոնական. Միշել Պավլովիչը տեղափոխվել է «Նոա»
Ֆուտբոլ
- Հեղինակ: Vahe Hakobyan
- Sportaran
«Նոան» պաշտոնապես հայտարարել է սլովենացի ձախ պաշտպան Միշել Պավլովիչի տեղափոխության մասին։
25-ամյա ֆուտբոլիստը նախկինում հանդես է եկել ռումինական «Բոտոշանիում», ինչպես նաև սլովենական «Օլիմպիա» և «Կոպեր» ակումբներում։
Ռումինիայի առաջնության նախորդ մրցաշրջանում Պավլովիչն անցկացրել է 19 հանդիպում և կատարել մեկ գոլային փոխանցում։ Պաշտպանի տրանսֆերային արժեքը գնահատվում է 650 հազար եվրո, իսկ հասակը 179 սմ է։
Պավլովիչը նախկինում նաև հրավիրվել է Սլովենիայի երիտասարդական հավաքական։
Սլովենացի պաշտպանը դարձել է «Նոայի» հինգերորդ նորեկն այս ամռանը։ Ավելի վաղ հայկական ակումբը ձեռք էր բերել հարձակվողներ Մարիո Գոնսալեսին և Կալիֆալա Դումբիային, ինչպես նաև դարպասապահներ Դանի Ֆիգեյրային և Դավիթ Դավթյանին։