Պաշտոնական. Կլինտոն Դոմբիլան Երևանի «Արարատից» տեղափոխվել է «Նոա»
- Հեղինակ: Vahe Hakobyan
- Sportaran
«Նոան» հայտարարել է Կլինտոն Դոմբիլայի հետ պայմանագիր կնքելու մասին։ 21-ամյա գանացի եզրային պաշտպանը թիմ է տեղափոխվել Երևանի «Արարատից»։
Դոմբիլան Հայաստանի առաջնությունում հանդես է գալիս 2023 թվականից և արդեն լավ ծանոթ է տեղական ֆուտբոլին։ Նախորդ մրցաշրջանում պաշտպանը «Արարատի» կազմում անցկացրել է 17 հանդիպում և դարձել մեկ գոլային փոխանցման հեղինակ։
Transfermarkt-ի տվյալներով՝ ֆուտբոլիստի տրանսֆերային արժեքը կազմում է 150 հազար եվրո։ Դոմբիլայի հասակը 168 սմ է։
«Նոայի» համար սա արդեն երկրորդ տեղափոխությունն է «Արարատից» այս ամառային տրանսֆերային պատուհանի ընթացքում։ Ավելի վաղ ակումբը պայմանագիր էր կնքել նաև հարձակվող Կալիֆալա Դումբիայի հետ, որը նույնպես թիմ էր տեղափոխվել երևանյան ակումբից։
Այսպիսով, «Նոան» շարունակում է ակտիվորեն համալրել կազմը նոր մրցաշրջանից և եվրագավաթային հանդիպումներից առաջ։