«Նոան» ընկերական խաղում ոչ-ոքի խաղաց Վրաստանի առաջնության առաջատարի հետ
- Հեղինակ: Vahe Hakobyan
- Sportaran
Երևանի «Նոան» օգտվեց ազգային հավաքականների խաղերով պայմանավորված դադարից և ընկերական հանդիպում անցկացրեց Վրաստանի ուժեղագույն ակումբներից մեկի՝ Բաթումիի «Դինամոյի» հետ։
Հանդիպումը կայացավ Էջմիածնում գտնվող «Նոայի» մարզաբազայում և ավարտվեց արդյունավետ ոչ-ոքիով՝ 2:2։
Հայկական ակումբի կազմում գոլերի հեղինակ դարձան Դավիդ Սուալեհեն և Մարիո Գոնսալեսը։
Երկու թիմերն էլ ընկերական հանդիպմանը մոտեցել էին իրենց ազգային առաջնությունների առաջատարի կարգավիճակով։ «Նոան» Հայաստանի առաջնության ութ տուրից հետո զբաղեցնում է առաջին տեղը՝ տանելով ութ հաղթանակ ութ խաղում և վաստակելով առավելագույն 24 միավոր։
Բաթումիի «Դինամոն», իր հերթին, գլխավորում է Վրաստանի առաջնության մրցաշարային աղյուսակը։ Բաթումյան ակումբը մեկ միավորով գերազանցում է մոտակա հետապնդողներին՝ «Իբերիա 1999»-ին և «Ռուսթավիին» («Մետալուրգ»)։
Այսպիսով, Հայաստանի և Վրաստանի առաջնությունների առաջատարների ընկերական հանդիպումն ավարտվեց առանց հաղթողի՝ 2:2։