Նիդերլանդները, Ճապոնիան և Շվեդիան դուրս եկան ԱԱ-2026-ի փլեյ-օֆֆ
- Հեղինակ: Vahe Hakobyan
- Sportaran
2026 թվականի աշխարհի առաջնության F խմբում որոշվեցին փլեյ-օֆֆի մասնակիցները։ Նիդերլանդների հավաքականը հանգիստ հաղթեց Թունիսին 3:1 հաշվով և գրավեց առաջին տեղը, իսկ Ճապոնիան ու Շվեդիան ոչ-ոքի խաղացին՝ 1:1։
Նիդերլանդները առաջին տեղով դուրս եկավ 1/16 եզրափակիչ, որտեղ կհանդիպի Մարոկկոյի հավաքականին։ Խաղը կկայանա Մոնտերեյում։
Ճապոնիան զբաղեցրեց երկրորդ տեղը և այժմ կհանդիպի Բրազիլիային։ Այդ հանդիպումը կկայանա հունիսի 29-ին Հյուսթոնում։
Զուգահեռ խաղում Ճապոնիան հաշիվը բացեց երկրորդ խաղակեսում. 56-րդ րոպեին գոլի հեղինակ դարձավ Դայձեն Մաեդան, որը եզրափակեց իր թիմի արագ և գեղեցիկ գրոհը։
Շվեդիան պատասխանեց ընդամենը վեց րոպե անց։ Էնթոնի Էլանգան գնդակը ստացավ աջ եզրում, տեղափոխվեց կենտրոն և ձախ ոտքով գեղեցիկ հարվածով այն ուղարկեց դարպասի անկյունը։
Վերջնամասում շվեդները կարող էին հաղթանակ կորզել. Ալեքսանդր Իսակը գլխով հարվածեց, սակայն Ճապոնիայի դարպասապահ Զայոն Սուզուկին գնդակը տեղափոխեց դարպասաձողին։
Արդյունքում ոչ-ոքին ձեռնտու էր երկու թիմերին էլ։ Ճապոնիան փլեյ-օֆֆ դուրս եկավ երկրորդ տեղով, իսկ Շվեդիան երրորդ հորիզոնականից նույնպես պահպանում է պայքարը շարունակելու շատ լավ հնարավորություններ։ Ամենայն հավանականությամբ, շվեդական հավաքականը 1/16 եզրափակիչում կխաղա Ֆրանսիայի կամ Նորվեգիայի դեմ։
Թունիսը մրցաշարն ավարտեց առանց միավորի։ Երեք խաղում թիմը բաց թողեց 12 գոլ և զբաղեցրեց խմբի վերջին տեղը։