Մինչև 21 տարեկանների ձյուդոյի Եվրոպայի առաջնություն. Պոդգորիցայի մրցումների երկրորդ օրվա ամփոփումը

Սեպտեմբերի 4-ին Չեռնոգորիայի Պոդգորիցա քաղաքում կայացավ 2026 թվականի մինչև 21 տարեկանների ձյուդոյի Եվրոպայի առաջնության երկրորդ մրցումային օրը։ Այդ օրը խաղարկվեցին մեդալների չորս հավաքածուներ՝ տղամարդկանց մինչև 73 և 81 կգ, ինչպես նաև կանանց մինչև 63 և 70 կգ քաշային կարգերում։

Երկրորդ մրցումային օրը տատամի դուրս եկան Հայաստանի հավաքականի երկու ներկայացուցիչներ, սակայն նրանցից ոչ մեկին չհաջողվեց նվաճել մեդալ։

Իրենց քաշային կարգերում Եվրոպայի չեմպիոն դարձան Հյուսիսային Մակեդոնիայի, Ուկրաինայի, Սլովենիայի և Ֆրանսիայի ներկայացուցիչները։

Երկու մրցումային օրերից հետո մեդալային հաշվարկում առաջատարն է Ֆրանսիայի հավաքականը, որի ակտիվում կա 2 ոսկե, 2 արծաթե և 3 բրոնզե մեդալ։ Երկրորդ տեղը կիսում են Ադրբեջանի և Սլովենիայի հավաքականները, որոնք նվաճել են երկուական ոսկե մեդալ։

Մինչև 21 տարեկանների ձյուդոյի Եվրոպայի առաջնության երկրորդ օրվա արդյունքները

Տղամարդիկ

Մինչև 73 կգ

1. Դանիլո Կրավչենկո (Ուկրաինա)
2. Աթմիր Սոբլիրով (Ռուսաստան)
3. Լուչիո Տավոլետտա (Իտալիա) և Պավել Կոլովերդով (Ռուսաստան)

Մինչև 81 կգ

1. Ստևան Սադիկու (Հյուսիսային Մակեդոնիա)
2. Ահմեդ Թուրլուև (Ռուսաստան)
3. Նոա Բուե Կոսա (Ֆրանսիա) և Շիմոն Ժուլիկ (Լեհաստան)

Կանայք

Մինչև 63 կգ

1. Լեյլա Մուզուզի (Սլովենիա)
2. Կատարինա Կայզեր (Գերմանիա)
3. Այշաթ Ալիևա (Ռուսաստան) և Մարիա դել Ռոսիո Արկոնես (Իսպանիա)

Մինչև 70 կգ

1. Քլոե Ժան (Ֆրանսիա)
2. Սինեմ Օրուչ (Թուրքիա)
3. Լունա դե Կոկ (Նիդերլանդներ) և Ամելիա Պտաշինսկա (Լեհաստան)

Մինչև 21 տարեկանների ձյուդոյի Եվրոպայի առաջնությունը կավարտվի սեպտեմբերի 5-ին։