Մելսիկ Բաղդասարյանն ու Մուրթազալի Մագոմեդովը քաշ են հանձնել UFC-ի մենամարտից առաջ

Հայազգի մարտիկ Մելսիկ Բաղդասարյանն ու անպարտելի Մուրթազալի Մագոմեդովը հաջողությամբ անցել են պաշտոնական կշռման արարողությունը Լաս Վեգասում կայանալիք UFC Fight Night մրցաշարից առաջ։

Բաղդասարյանը կշռման ժամանակ ցույց է տվել 145,5 ֆունտ, իսկ Մագոմեդովը՝ 146 ֆունտ։ Երկու մարտիկներն էլ տեղավորվել են փետուր քաշային կարգի սահմանաչափում։ Կշռումից հետո նրանք անցկացրել են ավանդական հայացքների մենամարտը։

Բաղդասարյան — Մագոմեդով մենամարտը կկայանա հունիսի 20-ին UFC Fight Night: Kape vs Horiguchi մրցաշարի շրջանակում։ Մելսիկ Բաղդասարյանի համար այս մենամարտը հնարավորություն է բարելավելու UFC-ում իր արդյունքները և վերադառնալու հաղթական շարքի։ Ներկա պահին նրա պրոֆեսիոնալ ռեկորդը կազմում է 8 հաղթանակ և 3 պարտություն։

Մուրթազալի Մագոմեդովը մենամարտին մոտենում է առանց պարտության։ Նրա հաշվին կա 10 հաղթանակ 10 պրոֆեսիոնալ մենամարտում։

Մրցաշարի գլխավոր իրադարձությունը կլինի թեթևագույն քաշային կարգի մենամարտը Մանել Կապեի և Կյոջի Հորիգուչիի միջև։ Երեկոյի համագլխավոր մենամարտում Իոն Կուցելաբան կհանդիպի Նավախո Ստիրլինգին։

Մրցաշարի քարտում հանդես կգա նաև Լեոն Շահբազյանը։ Նա նույնպես հաջողությամբ քաշ է հանձնել Լևան Չոխելիի դեմ մենամարտից առաջ․ երկու մարտիկներն էլ ցույց են տվել 170,5 ֆունտ։

UFC Fight Night: Kape vs Horiguchi մրցաշարի կշռման ամբողջական արդյունքները

Գլխավոր քարտ

Թեթևագույն քաշ
Մանել Կապե — 126 ֆունտ
Կյոջի Հորիգուչի — 125 ֆունտ

Կիսածանր քաշ
Իոն Կուցելաբա — 205,5 ֆունտ
Նավախո Ստիրլինգ — 205 ֆունտ

Փետուր քաշ
Հայդեր Ամիլ — 145 ֆունտ
Քրիստիան Ռոդրիգես — 145,5 ֆունտ

Փետուր քաշ
Մելսիկ Բաղդասարյան — 145,5 ֆունտ
Մուրթազալի Մագոմեդով — 146 ֆունտ

Փետուր քաշ
Վինիսիուս Օլիվեյրա — 145,5 ֆունտ
Անդրե Ֆիլի — 145,5 ֆունտ

Նախնական քարտ

Թեթևագույն քաշ
Անդրե Լիմա — 126 ֆունտ
Քևին Բորխաս — 129 ֆունտ

Կանանց թեթևագույն քաշ
Բիա Մեսկիտա — 136 ֆունտ
Մելիսա Մալինս — 135,5 ֆունտ

Թեթևագույն քաշ
Ալան Նասիմենտու — 126 ֆունտ
Միչ Ռապոսո — 125,5 ֆունտ

Փետուր քաշ
Գաստոն Բոլանյոս — 146 ֆունտ
Մայքլ Էսվել կրտսեր — 146 ֆունտ

Կիսամիջին քաշ
Լեոն Շահբազյան — 170,5 ֆունտ
Լևան Չոխելի — 170,5 ֆունտ

Կանանց թեթևագույն քաշ
Կարոլ Ռոզա — 135,5 ֆունտ
Լուանա Սանտոս — 136 ֆունտ

Փետուր քաշ
Շեյն Քոլինզ — 145,5 ֆունտ
Օթարի Թանզիլովի — 145 ֆունտ

Նշենք, որ Քևին Բորխասը չի տեղավորվել թեթևագույն քաշային կարգի սահմանաչափում՝ գերազանցելով այն 3 ֆունտով։ Նա իր հոնորարի 20%-ը կփոխանցի մրցակցին։